Metodoloxías Descrición Cualificación
Saídas de campo Puntuará a asistencia e participación activa, así como nas tarefas previas e posteriores ás mesmas. 10
Proba mixta Consta de dúas partes:
1. Ao longo do curso iranse realizando probas continuas sobre contidos teóricos impartidos nas sesións expositivas e traballados nas interactivas. Estas probas puntuarán ate 20.
2. Realizarase unha proba escrita na primeira oportunidade de avaliación (xuño) que versará tanto sobre aspectos teóricos tratados na docencia expositiva como nos prácticos das sesións interactivas. Esta proba puntuará ate 50. 		70
Traballos tutelados Na avaliación terase en conta a metodoloxía utilizada, o coñecemento dos conceptos e procedementos axeitados para a súa realización e aplicación na E. Infantil, a corrección e claridade expositiva, as fontes de información e documentación e, en suma, a adecuación ás directrices que se indiquen. 20
 
Observacións avaliación

Na avaliación terase en conta a asistencia a clase nas sesións
expositivas e a asistencia e a participación activa nas sesións de
docencia interactiva. Valoraranse os coñecementos adquiridos, a
comprensión e capacidade de
síntese, a claridade expositiva oral e escrita e a participación e
cumprimento nas tarefas que se encomenden tanto individuais como en
grupo.


-Na primeira oportunidade
de avaliación terán carácter de NON PRESENTADO aqueles/as
alumno/as
que non concorran á "proba mixta", e non realizaran as actividades e
tarefas encomendadas ao longo do curso que se inclúan nas metodoloxías
relacionadas. Por tanto, para ter NON PRESENTADO non poden ter feito
actividade ningunha da materia.

-Terán carácter de SUSPENSO
aqueles/as alumnos/as que non téndose presentado á
"proba mixta" tiveran realizado previamente calquera das outras
actividades e tarefas encomendadas ao longo do curso que se inclúan nas
"metodoloxías". De superaren as avaliacións destas actividades (que
puntúan: 10 "saídas ao medio"; 20 "traballos tutelados"), conservaráselles a cualificación ate a segunda
oportunidade de avaliación.

-Os/as alumnos/as que concorrendo a unha segunda oportunidade de avaliación
non tiveran realizado as actividades de avaliación propia e as de
avaliación continua, terán
realizar esta proba única na que terán que facer fronte a preguntas
relativas a aquelas, debendo obter nestas preguntas unha cualificación
mínima de
5.0.

-Para superar a materia os/as alumnos/as deberán superar cada unha das dúas partes: proba mixta e a suma das dúas probas.