Aínda que o calendario detallado de lectura darase a coñecer na primeira clase da materia, a docente recomenda encarecidamente ás/aos estudantes que comecen ler os textos longos de obrigada lectura antes do comezo da materia. Existen algunhas copias destes libros nas bibliotecas da UDC, e tamén se poden atopar ou reservar en librerías tradicionais ou dixitais. En clase so se levará a cabo a lectura de textos cando estes sexan breves; por tanto, cada estudante deberá levar a cabo a lectura das fontes primarias (textos literarios), maioritariamente, e tamén, en menor medida, de fontes secundarias de extensión reducida (artigos, capítulos…) ANTES DA SESIÓN na que se analicen as correspondentes fontes documentais. |