<p>
<table class="MsoNormalTable" border="0" cellspacing="1" cellpadding="0" width="600">
<tbody>
<tr>
<td colspan="3">
<p>Porcentaxes non reais; por esixencias do deseño da aplicación coa que se elabora esta guía docente, as porcentaxes ofrecidas arriba só son orientativas. Lea atentamente a información ao respecto que segue.A cualificación final responderá ao seguinte reparto porcentual:</p>
<p>1. Un 50% obterase pola proba obxectiva escrita que os estudantes realizarán ao remataren a materia e nas datas, horas e lugar establecidos nos horarios oficiais de exames do centro.<strong>Moi importante: os estudantes deberán obter unha puntuación mínima de 4 sobre 10 nesta proba escrita para poder superar a materia</strong>. Esto implica que terán que compensar a cualificación co outro 50% ata chegar ao 5 de media, necesario para aprobar.</p>
<p> Ningún estudante obterá o 100% da súa cualificación final con esta proba: todos serán cualificados coa distribución porcentual aquí recollida.</p>
<p>2. Un 40% obterase da realización de actividades ou tarefas (individuais ou grupais) ao longo do curso. As datas de entrega son inapelables. Un 30% corresponderá á realización de dous comentarios por escrito e o 10% restante a dous controis de lectura. </p>
<p>3. Un 10% responderá á asistencia, participación e desempeño do estudante no decorrer do curso. Observaranse o aproveitamento e a evolución individual do alumno, mais tamén e moi especialmente a súa dinámica na aula, a súa forma de argumentar, a colaboración cos compañeiros e todos aqueles elementos que teñan que ver coa aprendizaxe colaborativa e o traballo en grupo.</p>
<p>4. Á hora de establecer a cualificación final en cada unha das dúas oportunidades (xuño e xullo) que ten o alumno, computaranse a proba obxectiva pertinente, as actividades expostas e entregadas ao longo do curso así como a asistencia e participación.</p>
<p>5. Os alumnos que teñan suspensas ou non realizadas as actividades avaliables, terán que entregar na segunda oportunidade de xullo terán que entregar os traballos escritos unha semana antes do exame. En caso de ter suspensas as actividades feitas nas aulas, a proba obxectiva contará cunha parte que as inclúa.</p>
<p>6. Os estudantes a tempo parcial, con dispensa académica recoñecida, farán as actividades que se determinen en cada caso.<br /><br /><br /><strong>7. Non se admitirán traballos por correo electrónico, o único soporte para a entrega será o papel.<br /><br />8. </strong><u>Será indispensable a corrección ortográfica, de redacción e presentación, así como aterse ás normas de presentación dos traballos escritos e de redacción da bibliografía.</u>  Tres faltas de ortografía supoñen a penalización de 1 punto en cada actividade avaliable; do mesmo xeito unha redacción ou presentación engorrosa pode tamén penalizarse. O plaxio suporá a descalificación automática dos traballos.</p>
<p>9. No caso de estudantes estranxeiros será indispensable para seguir a materia ter un dominio razoable da lingua española tanto na súa expresión oral coma escrita equivalente a un nivel B2.</p>
<p>10. MOI IMPORTANTE. De acordo coa Normativa académica, o alumno será avaliado e cualificado sempre que acuda ao exame. Polo tanto, recibirán cualificación de Non Presentado (N.P.) aquelas persoas que non se presentaren  ningunha das probas escritas oficiais. </p></td></tr></tbody></table></p>