Os
criterios para o cómputo da cualificación son aplicables con total uniformidade
nas "oportunidades" de Xuño e Xullo. Nesta última tamén son
puntuables, coa ponderación sinalada, as actividades persoais dos alumnos.

As tarefas
deben entregarse nas datas, polos procedementos, e cos requisitos de contido
que se sinalen en cada caso; puntuaranse como cero cando se incumpran estas
condicións, e tamén cando sexan desenvolvidas en fraude. O plaxio total ou
parcial terá a interpretación de fraude, coas consecuencias académicas que se
deriven.

Salvo
autorización expresa por parte dos profesores, os móbiles, ordenadores e
aparellos electrónicos similares permanecerán en todo momento fóra da vista, e
durante os exames deberán ademais estar apagados. O incumprimento destas normas
ou o uso indebido destes aparellos serán causas de expulsión.

O exame
versa sobre os obxectivos didácticos, competencias e contidos da materia, de
acordo con esta guía e coas indicacións que se realicen durante o curso, e de
conformidade cos tempos de traballo presencial e autónomo que deben render os
alumnos. Caso de se considerar conveniente publicarase un documento de “normas
de exame” con aclaracións adicionais de cara á realización da
proba.

A
efecto de realiza-los exames, os alumnos poderán servirse dunha calculadora non
programable. As normas de exame poderán preve-la posibilidade de que os alumnos
usen tamén determinado material de apoio, sempre de forma voluntaria. En ningún
caso se permitirá o uso de documentos en formato electrónico nin de material
que vulnere a lexislación sobre propiedade intelectual, en particular de libros
fotocopiados.

Cualificarase
a tódolos alumnos que accedan á aula de exame.

A
efecto de reforza-la igualdade, os exames serán avaliados de forma transversal;
por tanto cada profesor cualificará unha parte do exame de cada alumno.

Para
libera-la materia é preciso que a cualificación do exame sexa igual ou superior
a tres puntos sobre un total de sete. Os alumnos que non cumpran esta condición
terán unha cualificación global igual á do exame.

A comisión de fraude na realización das prácticas, dos exames, ou de calquera outra actividade da materia poderá implicar que o alumno deba examinarse de forma oral ante un Tribunal composto polo equipo docente da materia, sen perxuizo doutras consecuencias académicas que se poidan derivar.

A cualificación "non presentado" outorgarase seguindo as
directrices xerais da Facultade: “corresponde
ao alumnado, cando só participe de actividades de avaliación que teñan unha
ponderación inferior ao 20% sobre a cualificación final, con independencia da
cualificación acadada”.