Organos da Facultade
EQUIPA DECANAL
-
Decano: D. Gustavo Rego Veiga
-
Vicedecano de Estudantes e Relacións Exteriores: D. Iván López Martínez
-
Vicedecana de Organización Académica: Dna. Emilia García Arthús
-
Vicedecano de Infraestruturas e Asuntos Económicos: D. Andrés Marcos García
-
Secretario Académico: D. José Antonio Seijas Macías
-
Persoa responsabel de calidade e converxencia (PRCC): Dna. Amalia Blanco Louro
XUNTA DE FACULTADE.
É o órgano de goberno da Facultade. Está composto nun 63% por PDI, un 28% por estudantes e un 9% por PAS. A súa composición actual pode ser consultada na páxina web do Centro www.economicas.udc.es.
As principais funcións da Xunta de Centro son:
-
Elixir o/a decano/a e, se for o caso, revogalo/a.
-
Supervisar a xestión dos diferentes órganos de goberno e administración do centro.
-
Informar sobre a implantación de novas titulacións e estudos.
-
Elaborar e aprobar as propostas de planos de estudos das titulacións que se impartan no centro.
-
Formular anualmente, antes do comezo do curso académico, o plano docente do centro coordinadamente cos departamentos adscritos ao centro.
-
Organizar, supervisar e informar sobre as actividades docentes para a obtención dos títulos académicos do seu ámbito de competencia, e coordinar e supervisar o desenvolvemento dos contidos mínimos das materias impartidas neles polos departamentos, de acordo cos planos de estudo e cos obxectivos establecidos para cada titulación.
-
Programar os servizos e equipamentos do centro e mais supervisar a súa xestión.
-
Acordar a distribución dos créditos concedidos ao centro e controlar a súa aplicación.
Comisións Delegadas.
As comisións delegadas actúan baixo o mandato da Xunta de Centro para determinados asuntos. Podes consultar a súa composición e funcións na páxina web do Centro.
Na actualidade temos as seguintes comisións en funcionamento:
1. Comisión Permanente.
Resolve certos asuntos de trámite delegados pola Xunta de Centro.
2. Comisión Académico-Docente.
É a encargada dos asuntos relacionados coa docencia, en particular, resolve as validacións de materias e créditos de libre configuración.
3. Comisión de Biblioteca.
Trata asuntos relacionados co funcionamento da Biblioteca.
4. Comisión Económica e de Infraestruturas e Servizos.
Aproba a memoria económica anual e establece os criterios de utilización de espazos e materiais do Centro.
5. Comisión de Normalización Lingüística.
Encargada de dinamizar o uso do galego no Centro.
6. Comisión de Extensión Univeristaria e Relacións Externas.
Trata temas relacionados cos estudantes (prácticas en empresas, programas de intercambio, etc).
7. Comisión de Calidade.
Establece e controla os criterios de calidade das titulacións impartidas no Centro. Asemade tamén actúa como Comisión do Posgrao de Economía e Empresa, coa incorporación dos coordinadores dos máster e o doutoramento.
DEPARTAMENTOS
Os departamentos son os órganos onde se agrupan os profesores en función das súas áreas de coñecemento. Son os encargados de asignar as materias ao profesorado, elaborar o POD (plano de organización docente) e tamén son os responsábeis dos contidos impartidos e a súa adaptación aos descritores do plano de estudos da titulación. Na Facultade teñen a súa sede 4 departamentos: 1. Departamento de Análise Económica e Administración de Empresas. Directora: Dna. Isabel Novo Cortí Secretaria: Dna. Elena Sánchez de Paz Está situado no segundo andar e o integran as seguintes áreas de coñecemento: • Fundamentos da Análise Económica. • Comercialización e Investigación de Mercados. • Organización de Empresas. 2. Departamento de Economía Aplicada I. Director: D. Julio G. Sequeiros Tizón Secretaria: Dna. María Cruz Suárez Mallo Está situado no terceiro andar e o integran as seguintes áreas de coñecemento: • Economía Aplicada • Historia e Institucións Económicas 3. Departamento de Economía Aplicada II. Director: D. José Ramón Cancelo de la Torre Secretaria: Dna. María Ramil Díaz Está situado no terceiro andar e o integran as seguintes áreas de coñecemento: • Economía Aplicada. • Métodos Cuantitativos para a Economía e a Empresa. 4. Departamento de Economía Financeira e Contabilidade. Director: D. Fernando Ruíz Lamas Secretaria: Dna. Isabel Novoa Arechaga Está situado no primeiro andar e o integra a área de coñecemento de Economía Financeira e Contabilidade. 5. Outros Departamentos. Na entreplanta están os despachos dos profesores que non pertencen a departamentos con sede no Centro: Dereito, Filoloxía Inglesa, Socioloxía e Computación.
|
