PRIMEIRA OPORTUNIDADE

A primeira oportunidade será avaliada do seguinte xeito:

• O 50% da nota global da materia corresponderá a unha proba escrita teórica sobre os coñecementos e competencias adquiridos ao longo do curso. Será precisa unha NOTA MÍNIMA de 2 (sobre 5) nesta proba escrita para superar a materia. Non sendo así, a notá máxima global da materia non será superior a un 4,9.
• O 40% da nota global da materia corresponderá a dous traballos tutelados que deberán ser desenvolvidos ao longo do curso, utilizando os recursos da aula informática. O enunciado dos traballos será publicado no campus virtual da UDC.
• O 10% da nota global da materia corresponderá á participación en actividades prácticas na aula de informática. Cada semana será proposta unha nova actividade para resolver durante a hora correspondente ao grupo mediano. A cualificación final neste apartado virá dada polo número de actividades realizadas e a súa corrección.

OBSERVACIÓNS:

• Terá cualificación de NON PRESENTADO calquera estudante que non realice a proba escrita teórica.

SEGUNDA OPORTUNIDADE

Poderán presentarse á segunda oportunidade ÚNICAMENTE aqueles/as estudantes que non superen a materia na primeira oportunidade

A segunda oportunidade constará de tres partes:

• Proba escrita teórica (50% da nota final), para recuperar a nota da proba teórica da primeira oportunidade. Será precisa unha NOTA MÍNIMA de 2 (sobre 5) nesta proba escrita para superar a materia. Non sendo así, a notá máxima global que se poderá alcanzar na materia non será superior a un 4,9.
• Proba escrita práctica (10% da nota final), para recuperar a nota das actividades prácticas dos grupos medianos.
• Dous traballos prácticos (40% da nota final) para recuperar a nota dos traballos tutelados. Estes traballos poderán ser, a criterio dos docentes, os mesmos da primeira oportunidade ou outros de similar dificultade. O enunciado dos traballos será publicado no Moodle da UDC logo de publicarse as cualificacións definitivas da primeira oportunidade.

OBSERVACIÓNS:

• Cada estudante poderá escoller se opta a recuperar unha, dúas ou as tres partes.
• Se un/unha estudante decide non realizar a recuperación de algunha das tres partes, conservará a nota obtida na primeira oportunidade nesa parte.
• Os/as estudantes con nota inferior a 2 na proba escrita teórica na primeira oportunidade deberán recuperar esa parte na segunda oportunidade para aprobar a materia.
• Terá cualificación de NON PRESENTADO calquera estudante que non opte á recuperación de ningunha das tres partes

DISPENSA ACADÉMICA

Aqueles/as estudantes  con matrícula a tempo parcial e dispensa académica que lles exima da asistencia ás clases poderán realizar (e entregar) a totalidade (ou parte) das prácticas e traballos pola súa conta. No caso de actividades que requiran dun equipamento específico, se lles facilitará, dentro do posible, unha alternativa viable se a solicitan.