A cualificación numérica final será a suma da puntuación obtida en cada parte: obradoiros, prácticas de laboratorio e proba mixta. Considérase aprobada a asignatura si este valor acada un mínimo de 5 sobre 10 puntos.
Para que se teñan en conta as cualificacións nas distintas actividades suxeitas a avaliación é preciso obter a cualificación mínima dun 4 sobre 10 en cada unha delas. Polo tanto, de non acadar a devandita puntuación mínima nalgunha actividade, a materia figurará como suspensa, aínda que suma total sexa igual ou maior que 5 (nese caso a puntuación asignada será de 4.5).

A asistencia á totalidade das sesións presenciais é obrigatoria.

A cualificación será non presentado cando a asistencia ás sesións presenciais (obradoiros, seminarios, laboratorio) sexa inferior ao 51%.

Na segunda oportunidade de avaliación, en xullo, o alumno someterase a avaliación do que non superase na primeira oportunidade.

A concesión de MATRÍCULA DE HONRA farase preferentemente nas cualificacións da 1ª oportunidade. Tendo en conta que a cantidade de Matrículas de Honra outorgables é limitada, só poderá obterse esta cualificación na 2ª oportunidade se non foron esgotadas na primeira.

O proceso de ensino-aprendizaxe, incluída a avaliación, refírese a un curso académico completo, e polo tanto volverá comezar cun novo curso académico, incluídas todas as actividades e procedementos de avaliación que se programen para o mesmo.