Na 1ª convocatoria, realizarase un exame teórico, cuxa nota se unirá á obtida nos traballos prácticos levados a cabo durante o curso. Os alumnos que non superen entón a materia e pasen á 2ª oportunidade, realizarán en xullo un exame máis extenso, que constará dunha parte teórica e outra práctica. A cualificación dese segundo exame será a nota obtida finalmente na materia. En calquera das oportunidades,o alumno deberá obter unha nota mínima de 4 na proba teórica escrita para aprobar a asignatura,tal e como establece a normativa da Facultade de Filoloxía. Os traballos nos que o alumno plaxie serán penalizados cunha cualificación de 0,00. As probas escritas e os traballos deben realizarse con corrección lingüística: o profesor baixará a nota por erros de acentuación, ortografía, puntuación, concordancia sintáctica, por redundancias excesivas, falta de precisión ou pobreza léxica, uso de abreviaturas ou utilización dun rexistro non formal. Na primeira oportunidade de avaliación, será considerado NP o alumno que non se presente á chamada "proba mixta", ou exame relativo á parte teórica da materia.Os repetidores, e os alumnos con exención de asistencia por razóns laborais ou doutra índole, deberán poñerse en contacto co docente ao inicio do curso -e nonmáis tarde- para a organización da súa docencia.