Os contidos da materia de Metodoloxías de Desenvolvemento céntranse nos aspectos metodolóxicos da Enxeñaría do Software.
A materia trata de achegar os estudantes as diferentes aproximacións para afrontar a problemática de como organizar un equipo que ten como obxectivo desenvolver un proxecto Software. As ferramentas metodolóxicas achegaranos prácticas e estratéxicas que nos axudarán a definir a forma de organizar o traballo para acadar produtos software que funcionen e cumpran as necesidades dos usuarios.
A materia centrase nas novas metodoloxías de desenvolvemento de Software baseadas no paradigma Agile, máis realiza un breve recorrido polas metodoloxías clásicas como o desenvolvemento en Cascada ou en Espiral.
Dentro das metodoloxías Agile terán especial relevancia Scrum e eXtreme Programing (XP), sen esquecer a importancia do proceso unificado de desenvolvemento.
Tamén se analizaran os paradigmas de desenvolvemento colaborativo que se basean nas prácticas do Open Source e abordaranse as implicacións da evolución e mantemento de proxectos software.
A materia terá en conta os diferentes aspectos sociais, legais e éticos no desenvolvemento software, e tocará temas como o Software Libre e o código ético da enxeñaría do Software da ACM.
Realizaranse durante o curso diferentes lecturas de artigos clásicos en relación os contidos da materia e desenvolverase un proxecto colaborativo de desenvolvemento de Software aplicando as diferentes ferramentas metodolóxicas descritas no curso.
A guía docente desta materia está deseñada e adaptada para o Curso de Adaptación o Grado das Enxeñarías Técnicas de Informática.
(*)A Guía docente é o documento onde se visualiza a proposta académica
da UDC. Este documento é público e non se pode modificar, salvo casos excepcionais baixo a revisión do
órgano competente dacordo coa normativa vixente que establece o proceso de elaboración de guías
Asignaturas
