Esta disciplina busca introducir ao alumno nos procesos e técnicas da Análise Documental de recursos electrónicos de especial relevancia dentro do ámbito da Documentación como disciplina científica. Profunda e amplía os coñecementos adquiridos na materia de Análise Documental e céntrase nos seguintes elementos:
a) Os conceptos e formulacións teóricas centrais no estudo da catalogacíón asistida dos documentos electrónicos especiais.
b) Estudo do marco de normalización con particular atención ao formato MARC 21
c) Aténdese aos procesos catalográficos; abórdanse os seus niveis operativos, e estúdanse os procesos de catalogación descritiva MARC
d) Búscase a aplicación práctica do estudado no marco conceptual e metodolóxico técnico.
Plan de continxencia
1- Modificacións nos contidos
Trataranse os mesmos temas, aínda que algúns de maneira máis simplificada e/ou a través de tarefas prácticas.
2- Metodoloxías
*Metodoloxías docentes que se manteñen:
- Portafolios
*Metodoloxías docentes que se modifican:
- Sesión maxistral (presenciais): substituída por docencia non presencial asíncrona, reforzo das comunicacións a través do foro de noticias de moodle, reatroalimentación das actividades en moodle e dispoñibilidade en liña para consultas e seguimento do alumnado.
- Traballo tutelado: A exposición realizarase a través de Microsoft Teams. Polo demais, mantense a metodoloxía.
- Proba mixta presencial: A parte teórica substitúese por unha avaliación síncrona en liña, utilizándose para tal fin Moodle e coordinación a través de vídeo-conferencia a través de Microsoft Teams. Os alumnos que non podan realizar a proba a través dos medios previstos deben comunicar á docente da materia tal circunstancia ofrecendo unha motivación con suficiente antelación. Para causas debidamente xustificadas, poderá, eventualmente, organizarse un sistema de avaliación alternativo. Para a parte práctica (o exercicio de catalogación), darase a elixir entre varios recursos posibles e terá que facerse chegar un arquivo co resultado da catalogación e un vídeo/ power point con voz para explicar como se realizou. Ofreceranse pautas específicas ó respecto.
- Presentación oral: Desaparece.
3- Mecanismos de atención personalizada ao alumnado
Ferramentas: Correo electrónico, Microsoft Teams, Moodle (retroalimentación formativa das actividades)
Temporalización: Aténdese ao alumnado diariamente, de luns a venres. Rógase que, en primeira instancia, a comunicación establezase a través do correo electrónico ou do chat de Teams. Será posible concertar citas para videoconferencias a través de Teams..
4- Modificacións na avaliación
-Presentación oral: Peso na cualificación: 0%. A desaparición de parte desta metodoloxía resulta nun aumento do valor do portafolios do 10%.
-Portafolios: Peso na cualificación: 35%. Aumenta o seu valor inicial do 10%. Para os alumnos que realizasen presentacións durante as clases presenciais, poderá considerarse como xa conseguido a parte que corresponda desa porcentaxe. En canto aos criterios de valoración, non hai cambios
-Traballos tutelados: Peso na cualificación 25%. Non hai cambios.
-Proba mixta (agora en liña) 40% En canto ós criterios de valoración non hai cambios.
*Observacións de avaliación:
As mesmas que no caso de non ser necesaria a aplicación deste plan de continxencia.
5- Modificacións da bibliografía ou webgrafía
O material preciso para preparar a materia (apuntamentos, gravacións das clases e/ou referencias web ós textos que son imprescindibles) colgaranse na plataforma moodle ou se dará acceso a eles a través de ligazóns da internet.
Polo demais, non hai cambios en relación coas fontes empregadas.
(*)A Guía docente é o documento onde se visualiza a proposta académica
da UDC. Este documento é público e non se pode modificar, salvo casos excepcionais baixo a revisión do
órgano competente dacordo coa normativa vixente que establece o proceso de elaboración de guías
Asignaturas
