<p align="justify"><b>1. OBSERVACIÓNS XERAIS</b></p><p align="justify">1.1. Para superar a
materia, é preciso aprobar&nbsp;a PROBA MIXTA ESCRITA, a PRESENTACIÓN ORAL e o TRABALLO TUTELADO (cun mínimo
de 5 puntos sobre 10 en cada parte).</p><div align="justify">1.2. Tanto as actividades como as probas
deberán cumprir unhas exixencias mínimas de corrección lingüística (ortografía,
puntuación, concordancia sintáctica, ausencia de reiteracións, precisión
léxica, rexistro formal…); no caso de deficiencias lingüístico-expresivas,
estas poderán ser penalizadas na cualificación, segundo o documento "Exixencias
mínimas de corrección lingüística" (aprobado pola Sección de
Galego-Portugués o 6/7/2018 e pendurado no Campus Virtual).

</div><p align="justify">1.3. O traballo tutelado entregarase na aula, en papel, nos días fixados polo
profesorado.</p><p align="justify">1.4. Aplicarase unha
penalización do 25 % sobre a cualificación final desta actividade se for
entregada fóra de prazo sen causa xustificada. </p><p align="justify">1.5. Os / As alumnos/as que
non superaren a materia en xaneiro poderán recuperala parcial ou totalmente na
2.ª oportunidade (xullo) segundo as normas detalladas na epígrafe seguinte.</p><div align="justify">1.6. Os traballos
presentados polo alumnado poderán ser incorporados ao Turnitin, ferramenta para
a detección do plaxio (mesmo de traballos previamente presentados nesta ou
noutras universidades polo/a estudante). En caso de se producir plaxio, poderán
ser aplicadas as medidas contempladas nas “Normas de avaliación, revisión e
reclamación das cualificacións dos estudos de grao e mestrado universitario da
Universidade da Coruña” (artigo 14.4).

</div><p align="justify">&nbsp;</p><p align="justify"><b>2. CUALIFICACIÓN FINAL na
2.ª OPORTUNIDADE (xullo)</b></p><p align="justify">2.1. Os / As estudantes que
suspenderen a PROBA MIXTA ESCRITA deberán facer outra proba do mesmo tipo que a
da 1.ª oportunidade na data, hora e lugar estabelecidos no calendario oficial de
exames da Facultade para a 2.ª oportunidade. Esta proba suporá igualmente o 50 %
da cualificación final e será preciso obter 5 puntos sobre 10 para aprobar.</p><p align="justify">2.2. Os / As estudantes que
suspenderen o TRABALLO TUTELADO deberán realizar outras actividades
substitutivas que se lles encomendaren e que constituirán o 35 % da
cualificación final. Para este efecto, o profesorado da materia fará públicas, alén das cualificacións da 1.ª oportunidade, as instrucións correspondentes
(actividades asignadas, datas de recollida e entrega etc.). Así, igual que na
1.ª oportunidade, o / a alumno/a deberá ter realizado e aprobado (con 5 puntos
sobre 10) todas as actividades que foren solicitadas.</p><p align="justify">2.3. Os / As estudantes que
non atinxiren a puntuación mínima na PRESENTACIÓN ORAL (con 5 puntos sobre 10),
que supón o 15 % da cualificación final, terán que defendela de novo na 2.ª
oportunidade. Esta proba oral realizarase a seguir á proba mixta escrita da 2.ª
oportunidade.</p><p align="justify">&nbsp;</p><p align="justify"><b>3. CUALIFICACIÓN DE NON
PRESENTADO/A</b></p><p align="justify">3.1. En cada oportunidade
de avaliación o / a alumno/a recibirá a cualificación de NON PRESENTADO/A (NP) se
non realizar a proba escrita e, alén disto, se o número de actividades
avaliábeis entregadas for inferior ao 50 %.</p><p align="justify">&nbsp;</p><p align="justify"><b>4. ALUMNADO A TEMPO
PARCIAL E CON DISPENSA ACADÉMICA</b></p><p align="justify">4.1. O alumnado
matriculado a tempo parcial e con dispensa académica recoñecida deberá pórse en
contacto co profesorado da materia no inicio do curso e asistir ás titorías obrigatorias para planificar, en cada
situación concreta, os axustes necesarios na avaliación no tocante ás
actividades presenciais (que serán substituídas por outras non presenciais
equivalentes).</p><p align="justify"><strong><br /></strong></p><p align="justify"><strong>5. CONVOCATORIA DE DECEMBRO</strong></p><p align="justify">O alumnado que se presente á convocatoria de decembro será avaliado da
seguinte maneira: proba mixta (50 %), presentación oral (15 %) e traballo tutelado (35 %).</p>