A materia ofrece formación teórica e práctica na descrición e no uso da lingua francesa, de maneira a garantir un dominio práctico da mesma. Nela se revisarán, consolidarán e ampliarán os principais aspectos fonéticos, gramaticais, léxicos e funcionais da lingua francesa, exercitados a través da práctica harmónica das 4 principais destrezas comunicativas (comprensión lectora e oral, produción escrita e oral).
Insistirase especialmente na capacidade de facerse entender de forma comprensible nunha variedade de situacións cada vez máis ampla.
Unha vez cubertos os contidos da materia, o alumnado deberá ter prácticamente consolidadas as competencias da segunda etapa do nivel B1 segundo o especificado no Marco común europeo de referencia para as linguas do Consello de Europa.
Estimularase a autonomía do alumnado e a súa capacidade de ser responsable no proceso de ensino-aprendizaxe.
Plan de continxencia
1. MODIFICACIÓN DOS CONTIDOS
Non se realizan modificacións nos contidos da materia. Só serán obxecto de avaliación os contidos impartidos e as destrezas exercitadas presencial e/ou virtualmente.
Debido ao carácter cíclico e acumulativo da materia, ademáis dos propios desta, indirectamente tamén se avaliarán os contidos e destrezas correspondentes a niveis anteriores.
2. METODOLOXÍAS
2.1. METODOLOXÍAS DOCENTES QUE SE MANTEÑEN
• ACTIVIDADES INICIAIS
• LECTURAS
2.2. METODOLOXÍAS DOCENTES QUE SE MODIFICAN
• PROBA OBXECTIVA
Esta metodoloxía será anulada de non poderse realizar de xeito presencial a proba escrita. O seu cómputo na avaliación (45%) será redistribuído entre outras metodoloxías (ver apartado 4 deste plan de continxencia, Modificacións na avaliación).
• PROBA ORAL
De non poderse realizar de xeito presencial esta proba, realizarase a través de ferramentas virtuais e preferentemente en modalidade síncrona (excepcionalmente en modalidade asíncrona de existiren problemas graves de conexión).
Mantense a porcentaxe fixada (15%) na avaliación final da materia.
• SOLUCIÓN DE PROBLEMAS
• DISCUSIÓN DIRIXIDA
As sesións presenciais destas dúas metodoloxías serán sustituídas por sesións virtuais na plataforma Teams. Respetaranse os horarios da materia previstos pola facultade, e os cambios que deban realizarse terán que contar co coñecemento e co acordo de todas as persoas participantes, e en ningún caso poderán interferir co normal desenvolvemento doutras materias.
O cómputo destas dúas metodoloxías na avaliación final (25% e 15%, respectivamente) será modificado de non poderse realizar a proba obxectiva escrita de xeito presencial (ver apartado 4 deste plan de continxencia, Modificacións da avaliación).
3. MECANISMOS DE ATENCIÓN PERSONALIZADA AO ALUMNADO
Correo electrónico; videoconferencia e chat na plataforma Teams (utilizarase a ferramenta que a profesora considere máis axeitada ás necesidades do alumnado).
Manterase, sempre que for posible, o horario de atención personalizada fixado pola profesora; en caso contrario, adaptarase en función da disponibilidade do alumnado.
4. MODIFICACIÓNS NA AVALIACIÓN
De non poderse realizar de xeito presencial a proba obxectiva escrita, o seu cómputo na avaliación da materia (45% da nota final) anúlase e redistribúese entre as metodoloxías Solución de problemas (+ 35%) e Discusión dirixida (+ 10%).
Mantense a porcentaxe asignada á proba oral.
Con estas modificacións, a cualificación final do alumnado responderá ao seguinte reparto porcentual:
Proba oral: 15%
Solución de problemas: 60%
Discusión dirixida: 25%
Para a avaliación destas metodoloxías mantéñense as precisións e requisitos recollidos no apartado Observacións da avaliación da guía docente da materia.
Estas modificacións da avaliación aplicaranse tanto á primeira como á segunda oportunidade.
5. MODIFICACIÓNS DA BIBLIOGRAFÍA
A profesora da materia facilitará a través de Moodle referencias bibliográficas ou webgráficas alternativas segundo as necesidades do alumnado.
(*)A Guía docente é o documento onde se visualiza a proposta académica
da UDC. Este documento é público e non se pode modificar, salvo casos excepcionais baixo a revisión do
órgano competente dacordo coa normativa vixente que establece o proceso de elaboración de guías