Esta materia céntrase no desenvolvemento de aplicacións distribuídas empregando un enfoque de deseño multicapa. No lado servidor, en primeiro lugar deseñase unha capa de acceso de datos, posteriormente unha capa de lóxica de negocio (para completar a capa modelo) e, finalmente, unha capa que expón a funcionalidade da aplicación como un servizo que pode ser empregado por outras aplicacións. Explícanse os principais estilos arquitectónicos para deseñar aplicacións distribuídas: REST e RPC. Para ilustrar todos estes conceptos xerais, empréganse tecnoloxías utilizadas habitualmente na industria para estes propósitos, como JDBC, XML, JSON, Servlets, HTTP e Apache Thrift. O enfoque da materia é fundamentalmente práctico.
Plan de continxencia
1. Modificacións nos contidos
Ningunha.
2. Metodoloxías
*Metodoloxías docentes que se manteñen
Todas.
*Metodoloxías docentes que se modifican
Ningunha.
As sesións maxistrais impartiríanse a través de Teams en tódolos grupos de teoría.
A docencia correspondente á parte práctica (prácticas de laboratorio e traballos tutelados) impartiríase tamén a través de Teams, con sesións grupais cando fose preciso explicar contidos e sesións privadas para atender dúbidas individuais de cada estudante ou grupo de prácticas (de maneira semellante a como se procede nos laboratorios de prácticas).
3. Mecanismos de atención personalizada ao alumnado
- Moodle: tódolos recursos docentes (diapositivas, exemplos, enunciado da práctica e traballos tutelados, anuncios, software, etc.) están dispoñibles a través de Moodle.
- Teams. As titorías aténdense por Teams nos horarios oficiais de cada profesor.
- Correo electrónico.
4. Modificacións na avaliación
A proba de resposta múltiple realizaríase a través de Moodle.
Os pesos asignados a cada metodoloxía non cambiarían.
*Observacións de avaliación:
Mantéñense as recollidas no apartado correspondente da guía docente.
5. Modificacións da bibliografía ou webgrafía
Ningunha.
(*)A Guía docente é o documento onde se visualiza a proposta académica
da UDC. Este documento é público e non se pode modificar, salvo casos excepcionais baixo a revisión do
órgano competente dacordo coa normativa vixente que establece o proceso de elaboración de guías