Esta materia pretende o desenvolvemento de competencias que permitan ao alumnado comprender e aplicar os coñecementos de Terapia Ocupacional durante o desenvolvemento completo do proceso, realizándose as mesmas a través dunha práctica independente supervisada.
Descriptor:
Estancias prácticas para aplicar teorías, fundamentos, metodoloxías, técnicas, avaliacións e valoracións de Terapia Ocupacional, traballando adecuadamente en equipo e desenvolvendo as funcións e destrezas propias deste profesional en diferentes contornas, centros, hospitais, institucións e grupos sociais e poboacionais.
Plan de continxencia
1. Modificacións nos contidos
No caso de supresión das prácticas clínicas/comunitarias.
1. Para estudantes que realizaron a totalidade dos créditos prácticos: sen modificacións.
2. Para estudantes que superaron o 50% das horas de prácticas: avaliación das prácticas clínicas/comunitarias realizadas segundo o baremo; estudo de 3 casos; portafolios do/a alumno/a e recensión bibliográfica.
3. Para estudantes que NON superaron o 50% das horas de prácticas: o mesmo que consta no apartado anterior (2), máis a defensa oral dun caso ante tribunal constituido pola responsable da materia, coordinadora do título e a Decana do Centro.
2. Metodoloxías
*Metodoloxías docentes que se manteñen
- Estudo de casos; portafolios do/a alumno/a e recensión bibliográfica.
*Metodoloxías docentes que se modifican
- Prácticas clínicas/comunitarias.
3. Mecanismos de atención personalizada ao alumnado
Campus Virtual: Mensual - Actualización dos contidos e información da materia.
TEAMS: Continua - Realización de titorías e reunións informativas.
Email: Continua - Atención persoalizada ós estudantes e titorización para a realización dos traballos
4. Modificacións na avaliación
Tal como consta na guía orixinal e que se repite a continuación, para aqueles estudantes que realizaron máis do 50% das horas de prácticas contempladas na materia:
-Prácticas clínicas/comunitarias (60%): Prácticas clínicas e comunitarias
Valorarase: a puntualidade, a asistencia, a responsabilidade, a iniciativa, o interese, a actitude ante as normas, a relación cos/coas usuarios/as, a relación co equipo de profesionais, a integración e a aplicación de conceptos teóricos-prácticos adquiridos previamente, as destrezas e os coñecementos adquiridos, así como a evolución global.
As ausencias xustificadas ás prácticas clínicas/comunitarias deberán ser comunicadas previamente ó centro conveniado, así como á coordinadora da materia e á coordinadora do título mediante e-mail.
-Estudo de Casos (20%): Valorarase, ademais dos coñecementos adquiridos, a capacidade de expresión escrita do alumnado (avaliando de forma negativa os erros gramaticais e ortográficos), a integración de conceptos e a capacidade de resolución de problemas.
-Portafolios do/a alumno/a (15%): Valorarase, ademais dos coñecementos adquiridos, a capacidade de expresión escrita do/a alumno/a (avaliando de forma negativa os erros gramaticais e ortográficos), a integración de conceptos, o razoamento ocupacional e a capacidade crítica e reflexiva.
- Recensión bibliográfica (5%): Valorarase a comprensión e análise crítica dun texto relevante para a práctica profesional
*Observacións de avaliación:
Para o estudantado que non completou o 50% das horas de prácticas, aplicarase ademais os seguintes criterios de avaliación:
- Prácticas externas aprobadas:
Defensa oral dun caso ante tribunal composto por 3 docentes terapeutas ocupacionais (responsable da materia, coordinadora do título e decana do Centro). Esta avaliación terá un carácter APTO/A ou NON APTO/A.
Se apto/a, respectarase a nota íntegra obtida nas prácticas externas e esa será a nota final do/a estudante.
Se NON APTO/A, farase a media aritmética entre ámbalas notas (prácticas externas e tribunal).
- Prácticas externas suspensas:
Defensa oral dun caso ante tribunal composto por 3 docentes terapeutas ocupacionais (responsable da materia, coordinadora do título e decana do Centro).
Cando a nota global obtida nas prácticas externas fose inferior a 5 (suspenso/a), a avaliación do tribunal será exhaustiva e terá un valor entre 0 e 5.
(*)A Guía docente é o documento onde se visualiza a proposta académica
da UDC. Este documento é público e non se pode modificar, salvo casos excepcionais baixo a revisión do
órgano competente dacordo coa normativa vixente que establece o proceso de elaboración de guías
Asignaturas
