Guía DocenteCurso
Escola Politécnica Superior
  Inicio | galego | castellano | english | A A |  
Máster Universitario en Eficiencia Enerxética e Sustentabilidade (a distancia)
 Asignaturas
  Avaliación e Optimización da Sustentabilidade de Sistemas Enerxéticos
   Metodoloxías
Metodoloxías Descrición
Sesión maxistral Exposición oral complementada co uso de medios audiovisuais e a introdución de algunhas preguntas dirixidas aos estudantes, coa finalidade de transmitir coñecementos e facilitar a aprendizaxe.
A clase maxistral é tamén coñecida como “conferencia”, “método expositivo” ou “lección maxistral”. Esta última modalidade sóese reservar a un tipo especial de lección impartida por un profesor en ocasións especiais, cun contido que supón unha elaboración orixinal e baseada no uso case exclusivo da palabra como vía de transmisión da información á audiencia. Estas clases ofreceranse mediante vídeos para o seu uso asíncrono.
Estudo de casos Metodoloxía onde o suxeito se enfronta ante a descrición dunha situación específica que suscita un problema que ten que ser comprendido, valorado e resolto de maneira individual ou por un grupo de persoas. O alumno sitúase ante un problema concreto (caso), que lle describe unha situación real da vida profesional, e debe ser capaz de analizar unha serie de feitos, referentes a un campo particular do coñecemento ou da acción, para chegar a unha decisión motivada, ou a un resultado de cálculo completamente razoado, sexa de forma individual, sexa a través dun proceso de discusión en pequenos grupos de traballo. Estas clases ofreceranse mediante vídeos para o seu uso asíncrono.
Proba obxectiva Os alumnos que realicen todos os traballos obrigatorios de curso (casos de estudo) só terán unha defensa dos seus traballos de curso, oral ou escrita, na forma de preguntas curtas ou de resposta múltiple.

Os alumnos que non realicen os traballos obrigatorios de curso terán un exame no que entrará toda a materia da materia, e que poderá incluír preguntas longas, preguntas curtas, preguntas de resposta múltiple, exercicios, e casos prácticos.

En ambos os casos os alumnos que o desexen poderán realizar a súa proba obxectiva en Ferrol, presencialmente, aproveitando para coñecer en persoa a profesores e compañeiros de curso.

En caso de probas virtuais empregarase un protocolo de exame que será comunicado ao alumno con antelación suficiente. O alumno é responsable de conseguir os medios necesarios para o devandito protocolo. En todo caso, o alumno deberá dispoñer dun computador con cámara web, unha impresora conectada ao computador, e un teléfono móbil.
Universidade da Coruña - Rúa Maestranza 9, 15001 A Coruña - Tel. +34 981 16 70 00  Soporte Guías Docentes