1. Cualificación de non presentado: Corresponde ao alumno ou alumna, cando participe en actividades de avaliación que teñan un peso inferior ao 20% sobre a cualificación final, con independencia da cualificación acadada.

2. Segunda oportunidade e chamada anticipada:

   A) Primeira oportunidade: aplicaranse os criterios de avaliación anteriormente indicados.

   B) Segunda oportunidade: Os criterios de avaliación:

      Proba mixta: 60% se se mantén a nota da avaliación continua da primeira oportunidade. Se non se quere manter ou non se realizou a avaliación continua, a nota do exame de segunda oportunidade será o 100% da nota final.

   C) Convocatoria anticipada: A avaliación realizarase mediante unha proba 100 % mixta

3. Alumnado con recoñecemento de dedicación a tempo parcial e exención académica de exención de asistencia:

Salvo as datas aprobadas pola Xunta de Facultade para a proba obxectiva final, para as restantes probas acordarase ao comezo do curso un calendario específico compatible coa súa dedicación.

4. Respecto ás condicións de avaliación final: Queda prohibido acceder á aula de exames con calquera dispositivo que permita a comunicación co exterior e/ou almacenamento de información.

5. Identificación do alumno: O alumno/a deberá acreditar a súa personalidade de acordo coa normativa vixente.

Outras observacións da avaliación:

A cualificación da proba mixta só se sumará se a puntuación na mesma é igual ou superior a 2,5 puntos sobre 6,0.