Avaliación:

A cualificación final da disciplina obterase da suma dos puntos obtidos na avaliación continua e os puntos obtidos na proba obtida de final de cuadrimestre.

1º) Avaliación continua (50%):

O profesorado avaliará o traballo realizado polos/as estudantes ao longo do cuadrimestre, dentro e fóra da aula, cun máximo de 4 puntos. 

Para iso, os/as estudantes deberán asistir a clase e deberán realizar as actividades encargadas polo profesorado nos prazos e coas condicións que se dispoñan. Para recibir os puntos de avaliación continua esixirase unha asistencia ao 80% das clases, salvo nos casos de estudantes a tempo parcial que obteñan dispensa académica*.

 2º) Proba obxectiva (50%):

A final de cuadrimestre, os/as estudantes deberán realizar unha proba obxectiva (tipo test ou con algunha pregunta de desenvolvemento) sobre os contidos explicados na aula e as lecturas entregadas polo profesorado. Para aprobar a disciplina é imprescindible aprobar esta proba.

*Observacións:

Os/as estudantes a tempo parcial con dispensa académica serán cualificados/as de acordo cos mesmos criterios de avaliación, coas seguintes particularidades:

A asistencia mínima exixida para recibir os puntos de avaliación continua será do 40%.

O profesorado encargará actividades de avaliación continua complementarias, equivalentes en tempo de realización ao 40% da asistencia dispensada.

Plaxio ou fraude académica:

O comportamento fraudulento nas probas de avaliación, e snomeadamente o plaxio no estudo de casos, ou o uso oculto de instrumentos de intelixencia artificial para realizar as tarefas, terá como consecuencia a cualificación de "0 (Suspenso)" na oportunidade correspondente.