Recoméndaselle ao/á estudante que lea atentamente esta guía docente.
Nela atopará resposta a case todas as preguntas que lle xurdan sobre a
concepción, organización e obxectivos do curso; pode acudir ao
profesor para aclarar calquera cuestión ao respecto. Para que o estudante aproveite mellor esta materia, é importante que preste especial atención ao seguinte: - Realice puntualmente as lecturas e actividades encomendadas; estas deben entregarse no momento, forma e soporte establecidos.
- Participe activa e criticamente nas aulas expoñendo as súas ideas e
dúbidas, ademais de escoitando e valorando as dos/as outros/as
estudantes. Traballe colaborativamente cos seus compañeiros/as.
- O
plaxio total ou parcial de actividades é inadmisible. Pode conlevar a perda de
máis puntuación có valor da actividade afectada, e mesmo o suspenso na materia.
A información debe ser recollida, procesada e ofrecida de forma distinta á da
fonte utilizada, sexa esta bibliográfica, audiovisual, persoal, a internet ou
calquera outra. Considérase moi grave a copia total ou parcial de traballos
elaborados por outros/as estudantes.
- Nas exposicións escritas deben coidarse a corrección ortográfica, o estilo e a adecuación expositiva; de igual forma, as exposicións orais deben adecuarse ao contexto académico e aos obxectivos perseguidos. De non ser así, reflectirase
negativamente nas cualificacións.
|