IMPORTANTE

O alumnado debe realizar todas as actividades de avaliación continua para superar o curso.

A segunda oportunidade constará dunha proba obxectiva (exame) e as calificacións obtidas nas probas de avaliación continua realizadas en periodo lectivo e que no poderán volver a repetirse.

Avaliación en convocatoria adiantada: Para poder optar á avaliación en convocatoria adiantada débense cumprir as condicións de avaliación xeral nun curso anterior.
Alumnado con recoñecemento de dedicación a tempo parcial e dispensa académica de exención de asistencia: Para estes casos, sempre que conten con recoñecemento oficial por parte da dirección do centro, non se terá en conta o requisito de asistencia mínima, mantendo os demais requisitos xerais establecidos. 

Plaxio. Con respecto ao plaxio, atenderase ao disposto no art. 14º das Normas de avaliación, revisión e reclamación das cualificacións dos estudos de grao e máster da UDC.