-Todos os traballos e actividades deberán ser entregados en tempo e forma.
-Calquera falta á honorabilidade académica (e.g. plaxio, copia, uso ilexítimo de IA) suporá a descalificación automática das actividades e o suspenso da materia.
-Tanto a asistencia como a participación significativa na aula (ou de forma telemática) será valorada polo profesorado no apartado de Discusión Dirixida.
-Na oportunidade de xullo (e nas seguintes) realizarase a proba de ensaio, unha equivalencia á presentación oral, e entregaranse as actividades equivalentes á discusión dirixida (que determinará o profesorado: un traballo escrito de maior extensión, unha presentación en formato pdf ou Power Point, etc., que deberán ser entregados ao profesor na data oficial do exame). O alumnado nesta situación deberá contactar co profesorado ao inicio do curso.
-O alumnado que non faga a súa presentación de clase acadará a cualificación de NP
-O alumnado matriculado a tempo parcial e que teña concedida a dispensa académica deberá poñerse en contacto co profesor o antes posible para determinar as formas de avaliación en cada parte.
Segundo o establecido na " NORMA QUE REGULA O RÉXIME DE DEDICACIÓN AO ESTUDO E A PERMANENCIA E A PROGRESIÓN DOS ESTUDANTES DE GRAO E MÁSTER UNIVERSITARIO NA UNIVERSIDADE DA CORUÑA (aprobada polo Consello Social do 04/05/2017):
1. Deberá poñelo en coñecemento do docente na primeira semana de clase, ou, se isto non fora posible, nun prazo non superior a 7 días desde que lle fora concedido o recoñecemento.
2. Terán que realizar, individualmente, todas as actividades/traballos propostos ao longo do curso e entregalos nas datas establecidas polo docente. Se non se cumpre a entrega na data sinalada considerarase como Non Presentado.
3. A cualificación será a media ponderada das notas das actividades e traballos realizados durante o curso e da nota da proba realizada na data do calendario oficial de exames, debendo obter en cada unha das partes un aprobado (5 sobre 10) para poder superar a materia. No caso de non superar algunha das partes na segunda oportunidade, deberán repetir todas as partes non aprobadas (actividades/traballos e/ou proba).
-O alumnado con diversidade funcional poderá pedir asesoramento ao profesorado e á Unidade de Atención á Diversidade (ADI): http://www.udc.es/cufie/adi/ (tel. 881015622; email: adi@udc.es).
-O alumnado que se sinta nunha situación de vulnerabilidade (incluíndo acoso ou abuso por cuestións de xénero, sexualidade, etnicidade ou clase social, entre outras) debe poñerse en contacto co profesorado da materia, ou directamente coa Oficina para a Igualdade de Sexo, no enderezo directora.oix@udc.gal.