| Descrición xeral |
A FILOSOFÍA POLÍTICA é actualmente a área máis activa (e quizais a máis atractiva) da filosofía. Basicamente non pensa en que é a sociedade, como vivimos, senón en como debemos vivir en sociedade para acadar o maior nivel de benestar e felicidade das persoas.
Así, aínda que adopta un enfoque normativo (o que debería ser) e non é exclusivamente descritivo (o que é), a filosofía política está en constante interacción coa información real da economía, a socioloxía e a ciencia política.
Neste curso propoñemos breves leccións dedicadas aos principais conceptos (ou problemas) da filosofía política, así como aos principais modelos actuais xustificativos das solucións a estes problemas e conceptos que propón a filosofía política. Por último, facemos un breve repaso dos retos de futuro máis actuais neste campo do coñecemento.
Ademais das clases orais do profesor, que se apoian en material multimedia (presentacións, vídeos, fotografías, etc.), ofrécense numerosos textos de autores clásicos e contemporáneos sobre os distintos conceptos e modelos.
As películas de contido político, a través de sesións monográficos prácticas, terán un papel complementario pero moi importante para ilustrar as ideas, problemas e conflitos políticos que están no centro desta materia. |
Guía Provisional
Asignaturas
