Avaliación da materia.  Consta de dous partes: unha práctica individual e voluntaria e o exame. 

Se o alumno presenta práctica VOLUNTARIA e a súa cualificación é inferior a SEIS, a cualificación da práctica non inflúe na cualificación final. Neste caso, a cualificación da materia é a cualificación do exame. 

Se o alumno presenta práctica VOLUNTARIA e obtense unha cualificación superior a SEIS, si se ten en conta na cualificación final da materia. Neste caso a valoración máxima da práctica na nota final é de TRES puntos.

Se o alumno non presenta a práctica VOLUNTARIA, a cualificación da materia é a cualificación do exame. 

Para aprobar a materia hai que obter polo menos un CATRO sobre 10 no exame. Si a nota do exame é menor que CATRO, a cualificación da materia é a cualificación do exame.  

Si na práctica obtéñense P puntos a cualificación do exame é sobre 10-P (a nota da materia non pode ser superior a 10 puntos).

Para aprobar a materia a cualificación final debe ser CINCO ou superior.

PLAXIO

En caso de plaxio, aplicarase o seguinte:

Cualificación de suspenso na convocatoria en que se cometa a falta e respecto da materia en que se cometese: o/a estudante será cualificado/a con “suspenso” (nota numérica 0) na convocatoria correspondente do curso académico, tanto se a comisión da falta se produce na primeira oportunidade como na segunda. Para isto, procederase a modificar a súa cualificación na acta de primeira oportunidade, se fose necesario.

REALIZACIÓN FRAUDULENTA DAS PROBAS OU ACTIVIDADES DE AVALIACIÓN

A realización fraudulenta das probas ou actividades de avaliación, unha vez comprobada, implicará directamente a perda do dereito á oportunidade na que se cometa a falta e respecto da materia na que se tivese cometido. Nas actas figurará un non presentado nesta oportunidade.