Para superar a materia debe acadarse polo menos un 5 e ter nas probas de teoría, prácticas de laboratorio e suposto práctico (cada unha delas) polo menos un 4. Se a cualificación resultante da suma de todas as actividades avaliables fose superior a 5, pero nalgunha proba se obtivese menos de 4, a cualificación sería 4,9 (suspenso).

Considérase Non Presentado (NP) cando o alumno non se presente á proba do período oficial de avaliación.

As matrículas de honra concédense preferentemente entre os alumnos que acaden a cualificación igual ou superior a 9 na primeira oportunidade da convocatoria (xaneiro).

Realizarase un exame parcial e no caso de ter unha cualificación superior a 4 non terá que repetirse nas oportunidades de xaneiro e xullo.

Na segunda oportunidade (xullo) realizaranse unicamente probas sobre teoría, prácticas de laboratorio e suposto práctico. As cualificacions obtidas nos cuestionarios e no documento entregado por grupo (suposto práctico) mantéñense da primeira oportunidade.

No caso de situacións excepcionais debidamente justificadas poderán adoptarse medidas adicionais para que o estudante poida superar a materia tales como flexibilidade no prazo de entrega de traballos tutelados, flexibilidade no horario de prácticas ou realización dunha proba global de avaliación dos resultados da aprendizaxe.