Cada alumno pode presentar un traballo escrito para debate virtual e un traballo de exposición oral para discusión dirixida, individualmente ou en grupo. O traballo escrito puntúa ata 20 puntos. O traballo de exposición oral puntúa ata 20 puntos. O alumno obtén 2.5 puntos pola asistencia a cada sesión de grupos reducidos (simulación) no horario que ten asignado pola Facultade. A proba dirixida (exame) puntúa ata 50 puntos. Considéranse Non Presentados os alumnos que non presentan traballos nin van ó exame. Pódese sacar Matrícula de Honra en calquera convocatoria, pero con preferencia na primeira. Na segunda convocatoria consérvanse os puntos do traballo escrito, o traballo de exposición oral e a asistencia ás sesións de grupos reducidos. Na segunda convocatoria o exame puntúa ata 50 puntos. Os alumnos con recoñecemento de dedicación a tempo parcial e exención de asistencia fan só a proba obxectiva (exame).