Posto que o obxectivo da materia é que o alumno/a
alcance uns coñecementos xerais sobre diferentes aspectos da Unión Europea,
será avaliado de forma continua e, especificamente, nos módulos troncales, a
través de exames ou probas obxectivas que valoren non só a súa capacidade
memorística, senón tamén a súa visión xeral e a súa capacidade crítica e de
reflexión. Así mesmo, será avaliada a participación activa dos estudantes nos
debates e actividades que se desenvolvan ao longo do curso académico.

Aspectos e criterios de avaliación:

-Todas as probas obxectivas desenvolveranse en
relación a contidos previamente analizados.

-O traballo persoal do alumno/a e unha actitude
participativa son elementos que resultarán necesarios para superar a materia do
presente Módulo.

A cualificación correspondente á Área de
Dereito Constitucional suporá o 50% da nota final do Módulo e derivarase do
resultado dun exame test que puntuará sobre 9 puntos. O punto restante para
obter a máxima cualificación, conseguirase, no seu caso, das prácticas resoltas
satisfactoriamente polo alumno/a.

A avaliación da materia correspondente á Área
de Filosofía do Dereito suporá o 30% da nota final do Módulo e o seu
cálculo realizarase a través dun exame test.

Polo que respecta á Área de Dereito Eclesiástico
do Estado a puntuación suporá un 20% da nota final do Módulo e avaliarase
aos alumnos/as a través dun traballo de profundización sobre algún aspecto vinculado
ao programa da materia (PROVISIONAL)

Se o estudante superase na primeira convocatoria
algunha do tres partes e outras non, a cualificación desa parte superada
reservarase na convocatoria de xullo e o alumno/a quedará exento de examinarse
desa materia xa liberada.

As prácticas no tres materias poderán consistir
en exposicións orais na aula, análise de xurisprudencia, comentario de textos
doctrinales, resolución de casos prácticos, role playing, etc...