Cuestións
xerais

Para superar a materia,
o alumnado deberá conseguir globalmente unha cualificación igual ou superior a
5 valores sobre 10. 

Serán requisitos indispensábeis: (1) participar nun mínimo do 80% das prácticas do obradoiro e realizar os dous traballos tutelados; (2) obtener unha cualificación mínima equivalente a 4 valores sobre 10 en cada un dos traballos tutelados.

A persoa que non realizar os dous traballos tutelados será considerada NON PRESENTADA, ben como quen non entregar ningunha das actividades contempladas na avaliación.

O alumnado terá de entregar
os traballos no prazo fixado e deberán seguir as pautas marcadas en cada caso,
polo que os traballos entregados fóra de prazo ou que non cumpran as pautas non
serán obxecto de avaliación. Así mesmo, todos os traballos deberán cumprir unhas
exixencias mínimas de corrección lingüística (ortografía, puntuación,
concordancia sintáctica, ausencia de reiteracións, precisión léxica, rexistro
formal etc.); no caso de deficiencias lingüístico-expresivas, estas poderán ser
penalizadas na cualificación, segundo o documento Exixencias mínimas de
corrección lingüística (aprobado pola Sección Departamental de
Galego-Portugués no día 06.07.2018 e pendurado en Moodle).

Matrícula parcial e dispensa académica

As persoas con matrícula a tempo parcial e/ou dispensa académica deberán porse en contacto co docente en horario de titorías ou a través do correo electrónico. Estas persoas acompañarán o curso a través das ferramentas de comunicación asíncrona determinadas polo docente nos prazos específicos que se estabelecerán a tal efecto, que o profesor comunicará ao alumnado atinxido ao inicio do curso e que estarán publicados no campus virtual. Aplicaranse os mesmos criterios de avaliación e as metodoloxías pasarán a ser asíncronas.

Segunda oportunidade e convocatoria adiantada

Na segunda oportunidade (xullo) e na convocatoria adiantada de decembro haberá que realizar os mesmos traballos e probas que na primeira e o alumnado será avaliado cos mesmos criterios e coas mesmas porcentaxes que na oportunidade anterior. Caso de non ter realizado durante o cuadrimestre algunha das actividades avaliábeis, abrirase un novo prazo para a súa presentación. 

Antes da data oficial do exame teñen de ser entregados os "Traballos tutelados". No caso da "Presentación oral",
marcarase un día para a súa realización. 

As persoas que se matricularen na convocatoria adiantada de decembro deberán contactar co profesor antes de o mes de novembro concluír.

Honestidade académica

Salvagardando en todo o momento os dereitos de autoría e protexendo os datos dos mesmos, os traballos académicos presentados polo alumnado da materia poderán ser incorporados á base de datos dunha ferramenta de detección de plaxio ou de presentación do mesmo exercicio en varias materias. De se producir algunha destas circunstancias, o traballo ficará anulado e activaranse as medidas recollidas nas "Normas de avaliación, revisión e reclamación das cualificacións dos estudos de grao e mestrado universitario da UDC".

Apoio á diversidade

A materia poderá ser adaptada
ao estudantado que precise da adopción de medidas encamiñadas ao apoio á
diversidade (física, visual, auditiva, cognitiva, de aprendizaxe ou relacionada
coa saúde mental). De ser o caso, deberán contactar cos servizos disponíbeis na
UDC/no Centro nos prazos oficiais estipulados de maneira previa a cada cuatrimestre
académico  (https://www.udc.es/cufie/ADI/apoioalumnado/); no
seu defecto, coa Titora ADI da Facultade de Filoloxía (no seguinte enderezo
electrónico: pat.filoloxia@udc.gal).