AVALIACIÓN:

A avaliación da materia articúlase sobre a base dos seguintes
aspectos:

1. Probas de comprensión (10% da nota final). Ao longo do curso
realizaranse diferentes probas teorícas e/ou prácticas sobre os contidos
tratados nas sesións maxistrais.

2. Práctica en grupo supervisada (40% da nota final). Ao longo do
curso realizaranse diferentes prácticas, entre as que destaca a realización da
análise de requisitos dun dominio exposto polo profesor. Para a avaliación
desta práctica supervisada terase en conta:

• O traballo realizado polos alumnos nas clases mediante
  un proceso de avaliación continua. Para esta avaliación continua terase en
  conta especialmente os seguintes aspectos: asistencia a clase,
  participación, capacidade de traballo en equipo, autonomía no traballo e
  capacidade de aplicación dos coñecementos teóricos a un caso práctico.

• O contido do traballo presentado, valorando
  principalmente: presentación do traballo, ortografía e redacción, e
  calidade da solución técnica presentada.

• A exposición do traballo, valorando, entre outros: a
  súa estrutura, claridade na exposición, capacidade de síntese, adecuación
  ao tempo e dominio da materia.

3. Proba mixta ou exame final (50% da nota final). O examen final
constará de preguntas, cuestións e/ou exercicios de calquera aspecto visto na
materia e que o alumno terá que responder.

O exame final compóñense de dous partes: unha teórica, cun peso do
40% sobre a nota final, e outra práctica, cun peso do 10%. É importante
remarcar que en ambas as partes poderá preguntarse calquera aspecto visto na
materia.

ALUMNOS DE MATRÍCULA A TEMPO PARCIAL:

Dado o carácter de avaliación continua da práctica en grupo
supervisada, recoméndase que estes alumnos falen co profesor ao longo da
primeira semana de clase con obxecto de tratar de buscar o mellor horario
posible para a súa realización.

En canto ao resto de actividades, e a pesar de non ser actividades
de presenza obrigatoria, trataráselles de dar as máximas facilidades para que
poidan asistir ás mesmas.

REQUISITOS:

Para aprobar a materia é necesario cumprir cos seguintes
requisitos:

1. Obter unha cualificación final mínima de 5 puntos sobre 10
entre todas as probas segundo a ponderación establecida.

2. Obter un mínimo de 5 puntos sobre 10 no exame final; é dicir, 2,5
puntos sobre os 5 asignados a esta parte.

RECUPERACIÓN:

Os alumnos que non superen a materia terán que demostrar a
correcta adquisición das competencias fundamentais da mesma mediante a
realización dun novo exame final (teórico e práctico).

Dado o carácter de avaliación continua da práctica en grupo
supervisada esta parte non poderá recuperarse.

Con todo, as probas de comprensión hanse de ter que recuperar e
estarán integradas no exame final. Isto significa que na recuperación o exame
final terá un valor dun 60% da nota final.

Para poder aprobar a materia é necesario acadar como
mínimo de 5 puntos sobre 10 no exame final; e decir 3 puntos sobre os 6
asignados a esta parte.