Para superar a materia na primeira oportunidade será requisito indispensable entregar todas as prácticas de laboratorio obrigatorias que se propoñan. O traballo tutelado será opcional e só se terá en conta se cumpre cos mínimos de calidade esixidos polo profesor. A nota final calcularase como a media ponderada das notas das prácticas, o traballo tutelado e a proba mixta. Para aprobar será necesario obter como mínimo un 40% da nota máxima tanto nas prácticas de laboratorio como na proba mixta, e ter una nota final igual ou superior ao 50%. En caso de non cumprir os requisitos pero obter unha nota final igual ou superior ao 50%, a nota que figurará en actas será un 4 (Suspenso).

Na segunda oportunidade seguiranse os mesmos criterios de avaliación que na primeira. Haberá unha segunda data de entrega para as prácticas e o traballo tutelado. As notas das partes que acadaran o mínimo do 40% en primeira oportunidade conservaranse na segunda.

REPETIDORES

A nota das prácticas conservarase durante un curso no caso de obter un mínimo do 50%.

ALUMNOS A TEMPO PARCIAL

A avaliación será igual que a dos alumnos a tempo completo.

FRAUDE

No caso de detectarse algunha fraude nas probas avaliables aplicaranse as medidas sancionadoras previstas na normativa da Universidade.