As prácticas externas son unha actividade de carácter formativo e obrigatorio que se realiza por medio dun sistema de permanencia regrada nunha empresa, nunha entidade non gubernamental, nun organismo, institución administrativa, económica ou profesional ou nun centro de investigación (de natureza pública ou privada).
O/a estudante en prácticas é aquel/a que, unha vez superado polo menos o 75% dos créditos ECTS da titulación, solicitou formalmente a súa incorporación ao Programa de Prácticas e recibiu por parte do coordinador /a do devandito programa, a asignación correspondente da institución onde realizará as prácticas, do/a seu/súa titor/a en devandita institución, así como do/a titor/a que se encargará da súa supervisión académica.
Todos os anos, a Facultade a través do/a coordinador /a das prácticas, abrirá un prazo para que os/as alumnos/as soliciten a realización das mesmas, para o cal se disporá dunha listaxe cos centros nos que se poden realizar as prácticas
As prácticas realizaranse no período establecido pola Facultade. A súa duración ten que ser de 275 horas, que será computarán por 11 créditos ECTS. O crédito ECTS restante será empregado polo/a estudante para o deseño previo da súa actividade no centro e para a elaboración da Memoria de Prácticas. Ao comezo do período de prácticas, o/a alumno/a acordará co/a tutor /a externo/a o horario e calendario específicos das prácticas, segundo os horarios habituais do centro de prácticas.
Plan de continxencia
1. Modificacións nos contidos.
-Nesta materia non se pode falar estritamente de contidos, senón máis ben dunha formación obrigatoria que se adquire por medio dun sistema de permanencia nun centro de prácticas.
2. Metodoloxías.
*Metodoloxías docentes que se manteñen.
-Portafolio: entrega dunha Memoria de prácticas (Anexo IX do procedemento regulador da materia).
-Actividades iniciais: Informe de avaliación das prácticas realizado polo/a titor/a externo/a ou profesional e asistencia á sesión de formación inicial.
*Metodoloxías docentes que se modifican/engaden.
-Chegado o caso, e segundo o escenario correspondente que se explica no epígrafe de modificacións na avaliación, pode ser necesaria a elaboración dunha práctica individual.
3. Mecanismos de atención personalizada ao alumnado.
-Ferramenta: Teams, correo electrónico e/ou chamada telefónica.
-Temporalización: a prevista durante o segundo cuadrimestre e segunda oportunidade.
4. Modificacións na avaliación.
-En caso de continxencia, son dous os escenarios que habería que ter en conta e, por tanto, que motivarían sendas modificacións na avaliación prevista para unha situación de normalidade-presencialidade. Devanditos escenarios (partindo do estipulado no documento de “Medidas para a finalización do curso académico 2019-2020”) serían os seguintes:
-ESCENARIO 1: AS PRÁCTICAS NON PODEN COMEZAR POR CAUSA DUNHA CONTINXENCIA.
A/ No caso de que o alumnado poida teletraballar, os mecanismos de avaliación serían os mesmos que nunha situación de normalidade-presencialidade: Memoria de prácticas (4 puntos) + asistencia á sesión de formación inicial (1 punto) + Informe do titor/a externo/a (5 puntos).
B/ No caso de que o alumnado non poida teletraballar, os mecanismos de avaliación previstos serían os seguintes: práctica individual (9 puntos) + asistencia á sesión de formación inicial (1 punto).
-ESCENARIO 2: AS PRÁCTICAS SON INTERROMPIDAS POR CAUSA DUNHA CONTINXENCIA.
A/ No caso de que o alumnado realizase o 50% de horas de prácticas presenciais ou a través de telebrallo, os mecanismos de avaliación serían os mesmos que nunha situación de normalidade-presencialidade: Memoria de prácticas (4 puntos) + asistencia á sesión de formación inicial (1 punto) + Informe do titor/a externo/a (5 puntos) -se é posible-.
B/ No caso de que o alumnado non realizase o 50% de horas de prácticas presenciais, os mecanismos de avaliación serían os seguintes: Memoria de prácticas (5 puntos) + sesión de formación inicial (1 punto) + Informe do/a titor/a externo/a -se é posible- (2 puntos) + práctica individual (2 puntos).
*Observacións de avaliación:
-As especificacións, contidos e sistema de cualificación da práctica individual, serían comunicados ao alumnado chegada a situación de continxencia.
5. Modificacións da bibliografía ou webgrafía.
-Ningunha.
(*)A Guía docente é o documento onde se visualiza a proposta académica
da UDC. Este documento é público e non se pode modificar, salvo casos excepcionais baixo a revisión do
órgano competente dacordo coa normativa vixente que establece o proceso de elaboración de guías
Asignaturas
