Coa proposta de cada traballo e/ou actividade a profesora explicará
polo miúdo o contido, as normas estéticas e formais, así como o tipo de
soporte e data de entrega.

Para superar a materia na CONVOCATORIA OPORTUNIDAD (sistema de avaliación continua) o/a estudante deberá aprobar ambas partes, teoría e práctica, así como obter un mínimo de 5 puntos (o 50% da puntuación global) na suma total
das avaliacións dos diversos traballos e prácticas da materia. Neste
cómputo non se inclúen os exercicios non orixinais do/a estudante así
como tampouco aqueles traballos entregados fóra de prazo ou nun formato
diferente ao indicado.
Dado o obxecto da materia, todo traballo que careza de son nunha parte,
ou na súa totalidade, será anulado e -por tanto- contará cun 0 na súa
avaliación. 

A realización fraudulenta de probas ou actividades de avaliación, debidamente comprobada, implicará o suspenso na materia da convocatoria correspondente do curso académico, tanto si a comisión da falta prodúcese na primeira oportunidade como na segunda. Para isto, procederase a modificar a súa cualificación na acta da primeira oportunidade, se fose necesario.

No caso do alumnado a tempo parcial e/ou dispensa académica de exención de asistencia establécense os seguintes cambios na avaliación: (1) substitución das actividades desenvolvidas durante as prácticas de laboratorio por un exame práctico na data oficial da materia (valor ata 2 puntos); (2) cambio dos proxectos de aprendizaxe colaborativa por traballos tutelados de carácter individual.

Para superar a materia na SEGUNDA OPORTUNIDADE o/a estudante deberá: 

• Entregar de forma individual o deseño sonoro íntegro dunha peza audiovisual,
  proposta pola docente, co correspondente dossier. Este traballo e a súa
  presentación, na que se xustifiquen aquelas decisións tomadas en canto
  ao son, terá un valor de 70% na nota final (60% proxecto + 10%
  presentación). Para a súa avaliación deberase entregar na data oficial
  de exame, no formato sinalado pola profesora (tanto a peza audiovisual
  co son íntegro, e o dossier).

• Aprobar o exame na data oficial. Esta proba teórica, de preguntas breves, versará sobre os contidos do libro "Sonidos que cuentan. La ambientación sonora en el audiovisual." Barcelona: UOC. Este exame constituirá o 30% da nota final. 

En calquera caso, para superar a materia débese aprobar o exame (5 puntos ou 1,5 ponderado) e obter, como mínimo, unha puntuación de 5 na nota final. 

Asemade aqueles/as estudantes que na avaliación continua (convocatoria de xaneiro-febreiro) queden por debaixo do umbral do 5 (o 50% da puntuación global), deberán
presentarse de toda a materia -teoría e práctica- na convocatoria de
xullo, seguindo as indicacións e requerimentos desta convocatoria. 

Nesta segunda oportunidade non se establecen fórmulas alternativas para o alumnado a tempo parcial e/ou con dispensa académica de exención de asistencia.