A) NORMATIVA DE AVALIACIÓN

1. Condicións de avaliación: está prohibido acceder á sala de exames con calquera dispositivo que permita a comunicación co exterior e / ou o almacenamento de información.

2. Identificación do alumno: o alumno deberá acreditar a súa identidade segundo a normativa vixente.

3. Será necesario obter polo menos 5 puntos no exame final de contido teórico para seguir sumando as puntuacións da avaliación continua.

B) TIPOS DE VALORACIÓN

1. Valoración de non presentado: o estudante que realice actividades que, no seu conxunto, representan unha porcentaxe igual ou inferior ao 20% da nota final será considerado "Non-presentado".

2. Estudantes con recoñecemento de dedicación a tempo parcial e dispensa académica de exención de asistencia: acordarase un sistema de avaliación continua adecuado ás súas circunstancias.

C) OPORTUNIDADES DE AVALIACIÓN

1. Primeira oportunidade: aplicaranse os criterios de avaliación indicados anteriormente nesta sección.

2. Segunda oportunidade: os criterios son os mesmos que na primeira, é dicir, mantense a nota para a avaliación continua, permitindose recuperar prácticas non realizadas.

3. Convocatoria anticipada: o alumno deberá realizar os traballos, prácticas e o exame que non aprobou nas oportunidades anteriores.