NORMATIVA DE AVALIACIÓN

1. Condicións da avaliación: Non se permitirá o acceso á aula do exame con calquera dispositivo que permita a comunicación co exterior e/ou almacenamento de información.

2. Identificación do estudante: O estudante deberá acreditar a súa personalidade de acordo coa normativa vixente.

AVALIACIÓN:

1. A asistencia ás clases é imprescindible para a valoración de casos, discusións, solución de problemas e para a realización das probas da evaluación continua.

2. Para superar a materia será necesario alcanzar unha cualificación de 5 sobre 10. 

3. A avaliación continua realizada durante o curso constitúe o 30% da cualificación. Non obstante, si nas probas obxetivas se alcanza un 5 sobre 10 non será necesario realizar examen final.

4. As probas finais constitúen o 70% da cualificación. Nestas probas deberase obter polo menos 3 puntos dos 7 máximos que deberán completarse ata chegar ao 5 coa puntuación acumulada durante o curso, ou obterse directamente na propia proba.

5. A cualificación de non presentado corresponderá ao alumnado que non participe en actividades de avaliación ou que soamente o faga naquelas que supoñan unha ponderación inferior ao 20% da cualificación total, independentemente da que sería a cualificación final obtida. 

6. O alumnado con recoñecemento de dedicación a tempo parcial e dispensa académica de exención de asistencia conforme o establecido na normativa específica da UDC poderán seguir a avaliación continua acordándose ao inicio do curso un calendario de datas compatible coa súa dedicación.

OPORTUNIDADES DE AVALIACIÓN:

1. As condicións de avaliación para a segunda oportunidade serán as mesmas que para a primeira. 

2. Na proba da convocatoria adiantada realizarase un único exame que supoñerá o 100% da cualificación. Para aprobar deberase obter unha cualificación de 5 sobre 10.

RECOMENDACIÓNS:

Para preparar as probas utilizarase a bibliografía recomendada, así como o material entregado nas clases. Aconséllase que se resolvan sempre todas as dúbidas que xurdan durante o desenvolvemento das sesións, recorrendo á atención personalizada cando fose necesario.