Os criterios de avaliación son aplicables con total uniformidade nas "oportunidades" de Xuño e Xullo. O conxunto das actividades prácticas, desenvolvidas no grupo de clase ou nos grupos reducidos, pondera un 50% na avaliación. Pola súa mesma natureza, as tarefas inseridas nas actividades de aula só poderán ser valoradas cando sexan realizadas de acordo coa súa programación, no momento previsto no grupo correspondente. No cómputo da cualificación da avaliación contínua poderase obviar, sempre con carácter xeral, o resultado obtido en algunha proba con peor cualificación ou non realizada.

De acordo coa normativa aplicable, os exámes deberán realizarse nas datas oficias establecidas, agás nos casos excepcionais expresamente previstos na normativa académica; e a cualificación de "non presentado" outorgarase cando só se participe en actividades que teñan un peso na avaliación inferior ao 20%, con independencia da cualificación acadada.

Na convocatoria anticipada a avaliación realizarase mediante unha proba mixta específica, comprensiva da globalidade dos contidos e competencias propios da materia.