Cualificación de Non presentado: Outorgarase esta cualificación ao estudantado que só participe en actividades de avaliación que teñan unha ponderación inferior ao 20% da cualificación final, con independencia da cualificación obtida.

Condicións de realización dos exames: Durante a realización dos exames non se poderá ter acceso a ningún dispositivo que permita a comunicación co exterior e/ou o almacenaxe de información. Poderá ser denegada a entrada na aula do exame con este tipo de dispositivos. É posíbel que nalgúns exames, o alumnado poda utilizar unha calculadora científica non gráfica e non programábel.

Convocatoria adiantada a decembro: Realizarase un exame que valerá dez puntos.

Na segunda oportunidade haberá unha proba mixta que ten un peso do 40% (4 puntos) e máis un test cunha valoración do 10% da cualificación final (1 punto). Reponderarase a avaliación continua para que teña un peso do 50% na avalición final (5 puntos).

O alumnado con recoñecemento a tempo parcial e dispensa académica de exención de asistencia terá o mesmo sistema de avaliación que o resto do alumnado coas mesmas obrigas e dereitos.