O sistema de avaliación continua -estudo de casos; traballos tutelados; presentacións orais; portafolio do alumno- e o exame final valoran resultados de aprendizaxe e competencias distintas. Por tanto, para aprobar a materia é necesario aprobar as dúas partes (avaliación continua e exame final). É dicir, para aprobar a materia é necesario acumular un mínimo de 2.5 puntos sobre 5 na avaliación continua e de 2.5 puntos sobre 5 no exame final. Non se terá en conta nin se gardará a nota do exame final para futuras oportunidades en caso de non superar a avaliación continua. Os criterios de avaliación son os mesmos en todas as oportunidades de cada convocatoria.

En caso de non superar a parte de avaliación continua durante o curso, será posible recuperar algúns puntos mediante traballos tutelados antes da segunda oportunidade (exame de xullo). As actividades que se poderán recuperar son as que non necesitan nin presencialidade nin seguimento continuado, é dicir, os estudos de casos sen discusión en clase (1 punto) e o traballo tutelado (3 puntos).

Os estudantes que queiran presentarse á convocatoria adiantada poden utilizar este mesmo sistema de recuperación dos puntos de avaliación continua. Os estudantes a tempo parcial e con despensa académica de asistencia poderán acollerse a esta modalidade de recuperación da avaliación continua tamén para a primeira oportunidade de exame.

A efectos de cualificación, a cualificación de non presentado corresponde ao alumnado cando só
participe de actividades de avaliación que teñan unha ponderación
inferior ao 20% sobre a cualificación final, con independencia da
cualificación acadada.