PRIMEIRA OPORTUNIDADE:

A avaliación é continua e consta de dúas partes:

1. Estudo de casos: supón un 30% da cualificación.

2. Traballos tutelados con presentación oral dos mesmos: supón un
70% da cualificación. A entrega dos traballos farase en soporte informático. Na
defensa oral do traballo tutelado, que será presencial (salvo polo previsto no
plan de continxencia), participarán obrigatoriamente tódolos compoñentes do
grupo responsable da súa elaboración.

O estudo de casos realizarase ao longo do período lectivo e non é
posible a súa realización fora do mesmo.

Para sumar a nota do estudo de casos á do  traballo tutelado,
haberá que alcanzar como mínimo un 4 sobre 10 no traballo tutelado. Para superar
a materia, a nota media ponderada final deberá ser igual ou superior a 5 puntos
sobre 10.

No caso de non acadar un 4 sobre 10 no traballo tutelado, a nota
da materia será a obtida no traballo tutelado ponderada polo 70%.

SEGUNDA OPORTUNIDADE:

Os criterios de avaliación y
cualificación son exactamente iguais en tódalas oportunidades de avaliación.

Gardarase a nota do estudo de
casos (30%) para a segunda oportunidade, pero en ningún caso para cursos
posteriores. Para a segunda oportunidade haberá que facer ademais un novo
traballo tutelado, que nesta ocasión será INDIVIDUAL, coa correspondente
presentación oral que supoñerá o 70% restante da nota. A presentación oral farase coas mesmas condicións que para a primeira oportunidade.

OUTRAS OBSERVACIÓNS XENERAIS:

- Os criterios de avaliación e
cualificación son exactamente iguais en tódalas oportunidades de avaliación
(Adiantada, Primeira e Segunda). Na convocatoria adiantada é posible a
realización do estudo de casos para a obtención da puntuación correspondente
por este concepto.

- O alumnado con recoñecemento de dedicación a tempo parcial e dispensa
académica de exención de asistencia, deberá comunicar esta circunstancia ao
profesor ao comezo do curso. Aplicarase o mesmo sistema de avaliación (coa
particularidade de que o traballo tutelado poderalo facer a título individual).
No caso deste alumnado, excepto para as datas aprobadas na Xunta de Facultade
no que compete á proba obxectiva, para as restantes probas acordarase ao inicio
de curso un calendario específico de datas compatible coa súa dedicación.

- As guías para a realización dos traballos tutelados ou de calquera outra
práctica ou exercicio proposto polo profesor estarán colgadas na plataforma
Moodle.

- Calquera información, aviso.
etc. notificarase aos alumnos por email.

- A cualificación de Non presentado esixe que o alumno non teña participado en
actividades de avaliación que superen o 20% da cualificación final, con
independencia da cualificación obtida.

- Os alumnos deberán acreditar a
súa identidade dacordo coa normativa vixente.

- Calquera alumno/a sorprendido realizando probas de avaliación mediante
calquera procedemento fraudulento terá unha nota de cero na oportunidade
correspondente.

- É responsabilidade dos
alumnos consultar a dirección de email que a UDC lles asigne.