De conformidade coas orientacións establecidas pola Facultade e os
ecriterios de coordinación acordados para a área de Economía Financeira,

• A primeira e segunda oportunidade avaliaranse calculando a
  media dos resultados da avaliación continua e da proba final, coas
  ponderacións indicadas nesta guía.
• Oportunidade adiantada:
  avaliarase en función do resultado dunha proba mixta comprensiva de
  tódolos contidos e competencias propios da materia, de acordo coa guía
  do curso inmediatamente anterior
• Os alumnos con recoñecemento de
  dedicación a tempo parcial e dispensa
  académica de exención de asistencia serán avaliados calculando a media
  dos resultados das alomenos tres probas de avaliación continua e a proba final,
  coas ponderacións sinaladas nesta guía.

A avaliación
continua basearase nos resultados das alomenos tres probas mixtas. A primeira
delas pondera un 20% na cualificación do curso, e as outras dúas un 15%
cada unha.

Tódalas probas deberán realizarse nas datas e horas
sinaladas a tal efecto polo equipo docente da materia., ou cando
proceda, polos órganos da Facultade, agás nos supostos que no seu caso
prevea a normativa académica; de non se realizar, cualificaranse como
cero a efecto de calcula-la avaliación global.

De conformidade coa
normativa da Facultade, cualificarase como "non presentado"
exclusivamente ós alumnos que desenvolvan tarefas que ponderen menos dun
20% na avaliación global do curso, con independencia da cualificación
acadada.

De se considerar necesario, poderá publicarse un
documento de “normas de exame” con aclaracións adicionais de cara á
realización das probas. En calquera caso, non se permitirá o emprego de
material de apoio en ningunha proba, tanto de avaliación continua como
final e/ou conxunto.

Durante as aulas, salvo
autorización expresa por parte dos profesores, os móbiles, ordenadores,
smartwatches, e
calquera outro aparello electrónico  agás as calculadoras permanecerán
en todo momento fóra da vista; durante
os exames deberán ademais estar apagados. O incumprimento destas normas
ou o
uso indebido destes aparellos serán causas de expulsión da aula ou dos
exames,
e neste último caso terán a interpretación de fraude. A gravación das
aulas e/ou as titiorías non está permitida, e pode ser constitutiva de
infracción prevista no Código Penal.

A comisión de fraude poderá
implicar que o alumno deba examinarse de forma oral ante un Tribunal composto
polo equipo docente da materia, sen perxuizo doutras consecuencias académicas
que se poidan derivar.