Primeira oportunidade

A cualificación final da materia obterase da ponderación das 4 partes xa mentadas: Probas prácticas (40%), Proba obxectiva (25%),  Traballos tutelados (25%) e Prácticas a través de TIC (10%).

Aquelas partes que teñan unha cualificación inferior a 4 puntos deberán ser repetidas na segunda oportunidade, independentemente da media obtida (de darse esta situación, e se a media é superior a 5, a cualificación final constará como 4,5).

Terá a cualificación de Non presentado o alumnado que non faga o traballo tutelado e ningunha das probas prácticas e obxectiva.

Segunda oportunidade

O alumno/a quedará liberado das partes xa superadas na primeira oportunidade, tan só terá que repetir as partes indicadas polo profesor no seu momento.

No caso de ter que repetir as probas prácticas, farase un único exame dos devanditos contidos.

Terán a cualificación de Non presentado os alumnos/as que non fagan ningunha das partes pendentes.

Convocatoria adiantada

A avaliación na convocatoria adiantada consistirá nun exame teórico-práctico do temario da materia. O alumnado deberá poñerse en contacto co docente para acordar con exactitude os contidos e criterios da devandita proba.

Alumnado con recoñecemento de dispensa académica de exención de asistencia, segundo estabelece a "NORMA QUE REGULA O RÉXIME DE DEDICACIÓN AO ESTUDO DOS ESTUDANTES DE GRAO NA UDC (Arts. 2.3; 3. b e 4.5) (29/5/212): 

• O alumnado comunicará esta situación o máis axiña posible ao profesor, coa finalidade de seren informados dos criterios da avaliación da materia. 
• En xeral, a avaliación farase conforme ao estabelecido para o alumnado presencial, agás a proba práctica que se efectuará nun exame único xunto coa proba obxectiva.

Copia e/ou plaxio:

Implicaciones da fraude académica na realización das probas ou actividades de avaliación: a realización fraudulenta das probas ou actividades de avaliación, unha vez comprobada, implicará directamente a cualificación de suspenso na convocatoria en que se cometa a falta e respecto da materia en que se cometese: o/a estudante será cualificado con “suspenso” (nota numérica 0) na convocatoria correspondente do curso académico, tanto se a comisión da falta se produce na primeira oportunidade como na segunda. Para isto, procederase a modificar a súa cualificación na acta de primeira oportunidade, se fose necesario.

Artigo 14 das Normas
de avaliación, revisión e reclamación das cualificacións dos
estudos de grado e mestrado da UDC.