Avaliación en detalle:

Na Primeira Oportunidade da 1ª Convocatoria:

1) Estudo de casos (individuais ou de grupo) 30%

2) Traballo tutelado 30%

3) Proba obxectiva 40%. Dita proba obxectiva, abarcará toda a
materia e consistirá na resolución de exercicios breves, responde a cuestións
curtas e/o de resposta múltiple e/o preguntas de desenvolvemento.

A planificación exposta nesta guía docente supón a aplicación dun
sistema de avaliación continua, polo que a cualificación final obterase do
Estudos de casos, do Traballo tutelado e da avaliación da Proba Obxectiva. No
conxunto das tres partes (30%, 30% e 40%), o alumnado deberá obter unha
puntuación mínima de 5 puntos sobre 10. Con todo, non se considerará superada a
materia, se no Estudo de casos non se obtén un mínimo de puntuación de 1,3
puntos sobre 3 puntos totais, no Traballo tutelado un mínimo de 1,2 puntos
sobre 3 puntos totais, e na Proba Obxectiva un mínimo de 1,5 sobre 4 puntos
totais. Se non se obtén a puntuación mínima nalgunha das partes, a
cualificación final da materia non poderá ser superior a 4,5 puntos.

“Ao alumnado con dispensa académica de exención de asistencia
(segundo a normativa aplicable), poderánselle asignar actividades alternativas,
titorías específicas ou outras medidas que se consideren oportunas, para non
prexudicar a súa cualificación.”

Na Segunda oportunidade da 1ª Convocatoria, e oportunidades
de ulteriores convocatorias:

Realizarase unha Proba Obxectiva, que consistirá na resolución de
exercicios breves, responder a cuestións curtas e/o de resposta múltiple e/o
preguntas de desenvolvemento, onde a parte práctica correspondente a Estudo de
casos e a Traballo Tutelado terá un peso do 60% e o resto do 40%. Esta proba
representará o 100% da nota final. O alumnado deberá obter unha puntuación
mínima de 5 puntos sobre 10.

O alumnado que non se presente á Proba Obxectiva
(independentemente da convocatoria de que se trate), será cualificado cun
"NP" (Non Presentado), aínda no caso de realizar, presentado e
exposto traballos tutelados ou outras actividades que computen na avaliación.