O sistema, criterios e elementos propostos para a avaliación da materia "Habilidades de deslizamiento e a súa didáctica" axustaranse á natureza teórico e práctica dos obxectivos, competencias e contidos desenvolvidos durante o curso. Por tanto, o alumno deberá dar conta na súa avaliación final dos contidos teóricos e prácticos da materia, a través de dous exames, un teórico (proba obxectiva) e outro práctico (proba práctica). 

A proba teórica poderá dividirse en tres probas parciais ao longo do curso en substitución da proba teórica final. Estas probas serán programadas e coñecidas polo alumno cunha antelación mínima de 10 días e levarán  acabo nos bloques horarios habilitados para a materia.  

 Ademas, o alumno deberá realizar un traballo grupal, a determinar polo profesor, tamén relacionado cos contidos da materia. A cualificación final virá determinada pola media ponderada do tres apartados. Os aprobados parciais dalgún dos apartados da avaliación, manteranse as cualificacións da parte ou partes aprobadas para posteriores convocatorias. 

Pola propia natureza desta materia, a asistencia a clase e a participación do alumno nas prácticas que se desenvolverán ao longo do curso académico, considerásese un factor importante á hora da adquisición de coñecementos, polo que se outorgará unha décima de punto por cada unha das prácticas nas que o alumno participe, ata un máximo de 2 puntos; sendo o mínimo necesario para obter a dicir puntuación, participar no 70% das sesións prácticas.

Para os alumnos matriculados con dedicación parcial, así como para outros alumnos que, ben por motivos xustificados (traballo, discapacidade, lesionados de longa duración, cotas estimadas na lei, outros colectivos desfavorecidos, etc.); ou ben pola súa experiencia práctica anterior, non poidan asistir regularmente ás clases e as súas respectivas actividades, acordarán co profesor a forma de avaliación, realizando a proba obxectiva (50%) e adaptando as outras dúas metodoloxías de avaliación (proba práctica e traballos tutelados, 50%) a cada caso concreto, en calquera das dúas oportunidades.