| Plan de continxencia |
1. Modificacións nos contidos
En relación aos contidos da materia adóptanse dúas liñas estratéxicas básicas:
- Suspensión de actividades prácticas de adquisición de competencia motriz.
- Mantemento do conxunto de contidos teóricos e resto de actividades programadas, recollidas na Guía Docente vixente.
2. Metodoloxías
Metodoloxías docentes que se manteñen
Exponse un cambio profundo do conxunto de metodoloxías docentes programadas na Guía Docente, como produto da imposibilidade de desenvolver contidos nunha contorna presencial, especialmente en relación ás sesións de natureza práctica no campo de fútbol.
Metodoloxías docentes que se modifican
Como procedementos/estratexias metodolóxicas alternativas exponse a instauración dun sistema de comunicación cos estudantes que se materializará dúas veces por semana, a través da plataforma Microsoft TEAMS, MOODLE e/ou EMAIL para o desenvolvemento da actividade teórica programada nos horarios previstos ao comezo do curso.
De forma complementaria tamén se habilita un notable incremento do número de titorías individuais durante todo o período de confinamento (dispoñibilidade horaria 24 h., a discreción do alumnado).
3. Mecanismos de atención personalizada ao alumnado
TEAMS, EMAIL e MOODLE - 7 d. / 24 H.
4. Modificacines na avaliación
Avaliación continua 70% (recesión bibliográfica), consistente na elaboración dun traballo en pequenos grupos que recolla a actividade teórico-práctica desenvolvida ao longo do cuadrimestre.
Avaliación finalista 30% (proba de ensaio), consistente nun exame teórico online a través de Microsoft Forms.
Observacións de avaliación:
Adóptase un sistema de avaliación mixto, composto dun proceso de avaliación continua e unha proba teórica final.
I. Avaliación continua 70% (recesión bibliográfica):
Desenvolverase a través dun traballo en grupo que comprende a temática abordada e exposta ao longo do curso.
Preséntase a opción de escoller un dos catro bloques temáticos que configuran o temario teórico básico da materia: I. Xeneralidades: estrutura do xogo e estrutura do rendemento; II. Fundamentos técnico-tácticos do xogo do xogador; III. Fundamentos táctico-estratéxicos do xogo do equipo e IV. Metodoloxía de iniciación ao fútbol, co fin de realizar, por unha banda, un compendio dos contidos presentados en clase e, por outro, unha ampliación dos mesmos a través da inclusión de recursos videográficos, bibliográficos ou outros.
Proponse un formato de elaboración grupal (traballo en equipos de 4 alumnos/as), co fin de compensar/atenuar posibles barreiras de conectividade online por parte dalgúns estudantes (illamento tecnolóxico), así como para estimular as capacidades relacionadas co traballo en equipo e intelixencia colectiva.
II. Exame final online 30% (proba de ensaio):
Desenvolverase de forma individual a través dos recursos telemáticos postos ao dispor do PDI por parte da UDC (Microsoft Forms). Constará de tres preguntas de resposta longa ou de desenvolvemento, relativas ao contido teórico desenvolvido nas clases presenciais e online.
O sistema de avaliación proposto terá validez tanto para a primeira como para a segunda convocatoria do curso académico, conservándose, na segunda convocatoria a nota da parte de avaliación aprobada (traballo ou exame) na primeira.
Por último, como aclaración final, parécenos oportuno reflectir que o procedemento de avaliación proposto, recollido en preséntaa addenda, responde a un escenario académico de excepcionalidade, considerándose como moi limitante (insuficiente) con respecto ao reflectido ordinariamente na Guía Docente da materia.
5. Modificacións da bibliografía ou webgrafía
Sen cambios significativos. |
Asignaturas
