Para poder facer a avaliación global da materia en calquera das dúas oportunidades, será necesario que os estudantes:

1. Teñan asistido polo menos o 80% das sesións maxistrais e do taller, salvo que xustifiquen documentalmente as inasistencias por causa de forza maior.

2. Presenten todas as prácticas realizadas no Taller e cada unha delas teñan cualificación igual ou superior ao 40% da nota máxima. No caso de que algunha práctica teña unha nota inferior ao 40% da máxima, ata a data da proba obxectiva de cada unha das dúas oportunidades, os alumnos poderán presentar exercicios de substitución ata alcanzar unha cualificación igual ou superior ao 40% da nota máxima; en caso de non facelo así , o alumno figurará como ‘Non presentado’ nas actas da oportunidade correspondente.

3. Entregue o Portafolio completo e obteña unha cualificación igual ou superior ao 40% da nota máxima .No caso de que a cualificación do  portfolio sexa inferior ao 40% da máxima, o alumno figurará como ‘Non presentado’ nas actas da oportunidade correspondente.

4. Entregue os apuntes tomados nas sesións de clases expositivas e obteña unha cualificación igual ou superior ao 40% da nota máxima. No caso de que a cualificación dos apuntes sexa inferior ao 40% da máxima, o alumno figurará como ‘Non presentado’ nas actas da oportunidade correspondente.

5. Realice a proba obxectiva na data establecida no calendario de exames aprobado polo centro. No caso de que a cualificación do conxunto da proba obxectiva final ou de algunha das súas partes sexa inferior ao 40% da máxima, a nota global que constará nas actas será ésa.