A avaliación dos
contidos impartidos nas clases maxistrais e de resolución de problemas da
materia representa un 80% da nota global. A avaliación das prácticas de
laboratorio e a través de TIC por medio da proba de resposta breve é o 20%
restante.

Para aprobar a materia
esixirase:

1) Proba mixta: Proba sobre os contidos impartidos nas clases maxistrais e de resolución de
problemas: ter un mínimo de 3,6 puntos sobre 8. O alumno debe demostrar nesta proba un
coñecemento básico de todo o contido da materia.

Poderían facerse exames parciais ou unha avaliación continua que
podería eximir de parte ou de toda a materia na proba mixta final.

Para aprobar o curso debe terse demostrado polo menos un mínimo coñecemento das partes de teoría e problemas de
cada un dos temas.

Podera valorarse a participación do alumno ao longo do curso nas sesións maxistrais, de resolución de problemas e titorías.

Opcionalmente poden entregarse traballos realizados de forma autónoma polo alumno e propostos polo profesor de teoría. Para os estudantes que cumpran o requisito do 3,6 mínimo na proba mixta ou avaliación continua, pode valorarse positivamente a realización destes traballos propostos polo profesor de teoría.

Para aprobar a materia
deberá chegarse ao 4 sobre 8 na nota final correspondente ás partes de teoría e
problemas da materia.

Consideraranse como "non presentados" ós estudantes que non realicen a proba mixta de teoría e resolución de problemas.

2) Ter un mínimo de 1
punto na proba de resposta breve.

Consistirá nunha proba
escrita de resposta breve sobre os contidos das sesións prácticas. Nela
valorarase non só a comprensión destes, senón tamén a capacidade do alumno para
establecer xuízos críticos e a súa habilidade sobre o uso da instrumentación
de laboratorio.

Podería facerse unha avaliación continuada
ao longo do curso que podería eximir de parte ou de toda a materia na proba de
resposta breve final.

Poderá valorarse positivamente a participación do alumnado nas sesións prácticas e o seu
razoamento ante preguntas realizadas polo profesorado durante as mesmas.

Se na parte de teoría e
problemas non se obtivo o 4 mínimo, para calcular a nota final a nota de
prácticas dividirase por dous.

Se en prácticas non se obtivo o 1 mínimo, para
calcular a nota final farase a media xeométrica.

Os criterios de avaliación
contemplados nos cadros A-III/1 e A-III/3 do Código STCW, e recollidos no
Sistema de Garantía de Calidade, teranse en conta á hora de deseñar e realizar
a avaliación.