Unha vez concluído o documento, o director/a deberá autorizar a defensa pública deste ante unha comisión designada pola Comisión Académica, e composta por profesores do máster.

Para a presentación do TFM resulta condición indispensable ter superado o resto de materias do máster.

A cualificación obtida no TFM será resultado da valoración dos seguintes criterios: valoración achegada polo titor-director do traballo (10%); valoración da defensa pública do traballo (orde, claridade, resaltada das ideas e resultados máis relevantes, respostas ás preguntas formuladas pola comisión de avaliación) (30%); valoración dos aspectos formais do traballo (estrutura, claridade, coherencia, adecuación á normativa elixida) (20%); valoración dos contidos do traballo (interese científico, grao de innovación, revisión teórica, deseño metodolóxico, tratamento estatístico, interpretación dos resultados reais ou potenciais, adecuación das conclusións) (40%). Os criterios e metodoloxías de avaliación manteranse en
ambas as convocatorias.

As metodoloxías e criterios de avaliación manteranse os
mesmos para o alumnado con recoñecemento de dedicación a tempo parcial e
dispensa académica de exención de asistencia.

A realización fraudulenta das probas ou actividades de
avaliación implicará directamente a cualificación de suspenso '0' na materia na
convocatoria correspondente.