Os créditos da materia Anatomía II, de 6 ECTS, distribúense en tres partes:

• Sistema cardiocirculatorio, estesioloxía e esplacnoloxía: 2 ECTS.
• Membro superior: 2 ECTS.
• Membro inferior: 2 ECTS.

Cada
unha destas tres partes contribuirá de forma equitativa na nota final
da materia (é dicir, cada parte representa 1/3 da nota final da
materia).

Avaliación continua. Supón 2 puntos sobre 10. Realizarase mediante as seguintes accións:

• Valoración da participación do alumnado na clase.
• Exames controis en datas programadas.
• Probas obxectivas con plataforma de formación.

Proba obxectiva. Representa 8 puntos sobre 10. Proba escrita, constituída por preguntas curtas e tipo test.

O alumnado terá a materia aprobada cando a suma da avaliación continua e da proba obxectiva sexa igual ou superior a 5,0 sobre 10 puntos.

Con carácter xeral, deberase obter na proba obxectiva de cada unha das tres partes da materia cando menos o 35% da nota (3,5 sobre 10 puntos).

ALUMNADO CON DEDICACIÓN PARCIAL OU DIFICULTADES PARA CONCILIAR O ESTUDO COA VIDA FAMILIAR E/OU LABORAL

Nas accións de avaliación continua deste alumnado terase en conta:

• Valoración da participación do alumnado na clase: Poderase substituír
  pola realización dun traballo sobre un aspecto do temario da materia.
• Exames controis en datas programadas e probas obxectivas con plataforma
  de formación: procuraranse de común acordo datas alternativas para
  realizar estas probas.

ALUMNADO QUE CONTE CUNHA ADAPTACIÓN CURRICULAR CONCEDIDA POLA UNIDADE DE ATENCIÓN Á DIVERSIDADE DA UDC

Cando
esta adaptación recolla a dificultade para a realización de probas
escritas, estas serán substituídas por probas orais.

Así mesmo,
seguirase cada unha da recomendacións da citada unidade para a
avaliación deste alumnado.

PLAXIO

En caso de plaxio, aplicarase o seguinte:

• Cualificación de suspenso na convocatoria en que se cometa a falta e respecto da materia en que se cometese: o/a estudante será cualificado/a con “suspenso” (nota numérica 0) na convocatoria correspondente do curso académico, tanto se a comisión da falta se produce na primeira oportunidade como na segunda. Para isto, procederase a modificar a súa cualificación na acta de primeira oportunidade, se fose necesario.