A Ecografía como técnica diagnóstica ocupa un amplo terreo en especialidades médicas como a traumatoloxía, medicina do deporte, medicina laboral ou anestesioloxía. Coa implantación dos avanzados equipos de ultrasonografía, estase a configurar unha nova rama da anatomía músculo-esquelética que é a anatomía ecográfica.
Nesta materia preténdese mostrar a Ecografía, non só como a ferramenta diagnóstica que todos coñecemos, senón como método de estudo dunha anatomía descritiva, topográfica e funcional do sistema músculo-esquelético.
Un coñecemento preciso da anatomía é esencial para o correcto exercicio de todo profesional sanitario. Grazas ás técnicas de imaxe, temos a posibilidade de estudala in vivo e de forma dinámica, especialmente a través da resonancia magnética e a ecografía, e no caso desta última, que se encontra en constante evolución grazas á mellora tecnolóxica, permitíndonos realizar estudos en tempo real.
A Ecografía abre un campo de actuación moi amplo, tanto no ámbito da docencia coma no da investigación, pois ofrece a posibilidade de validar cientificamente os nosos tratamentos, de observar de forma obxectiva a evolución das lesións e de realizar unha análise morfo-funcional do sistema músculo-esquelético.
Plan de continxencia
1. Modificacións nos contidos
Non se contemplan cambios nos contidos.
2. Metodoloxías
*Metodoloxías docentes que se manteñen
Sesión maxistral: poderá realizarse de forma presencial ou virtual dependendo da evolución da pandemia.
Prácticas de laboratorio: poderá realizarse de forma presencial ou virtual dependendo da evolución da pandemia.
Proba obxectiva: poderá realizarse de forma presencial ou virtual dependendo da evolución da pandemia.
*Metodoloxías docentes que se modifican
Sesión maxistral: realizarase a través das clases expositivas participativas en tempo real a través da ferramenta Microsoft Teams e/ou clases coa presentación audio previas. Se complementan con actividades dirixidas aos estudantes, coa finalidade de facilitar a aprendizaxe e integrar coñecementos.
Prácticas de laboratorio: as demostracións presenciais son substituídas por material visual demostrativo da execución dos procedementos de exploración ecográfica. Da mesma forma, realizaranse conexións en tempo real a través da ferramenta Microsoft Teams para explicar as imaxes e os procedementos de exploración, así como para facer un seguimento das tarefas das/dos estudantes.
Proba obxectiva: é substituída por unha proba escrita realizada a través de Moodle con preguntas abertas de desenvolvemento e/ou preguntas obxectivas tipo test, de resposta breve e/ou de completar.
Proba práctica: substitúese por un traballo tutelado en pequenos grupos o longo do cuadrimestre, seguindo as pautas proporcionadas polo responsable da materia.
3. Mecanismos de atención personalizada ao alumnado
A atención personalizada ao alumnado realizarase a través das seguintes ferramentas:
Microsoft Teams: titorías a demanda do estudantado.
Moodle: para proporcionar todo o material necesario para o desenrolo da docencia. Realización de probas ou resolución de dúbidas a través dos foros.
Correo electrónico: para envío de convocatorias, avisos ou resolución de dúbidas a demanda do/da estudante.
4. Modificacións na avaliación
Avaliación continua 10%
- Asistencia a clases teóricas e prácticas presenciais: actitude, puntualidade, a participación razonada, o traballo en equipo, probas de comprensión, resolución de prácticas e axuda aos compañeiros durante as mesmas, así coma as destrezas e habilidades do/a alumno/a.
- Participación en clases non presenciais a través de Teams.
- Entrega de tarefas non presenciais
Proba obxectiva/escrita 60%
Exame vía Moodle con preguntas abertas de desenvolvemento e/ou preguntas obxectivas tipo test, de resposta breve e/ou de completar.
Traballo tutelado 30%
A avaliación dos contidos prácticos realizarase a través dun traballo en pequenos grupos o longo do cuadrimestre, seguindo as pautas proporcionadas polo responsable da materia.
*Observacións de avaliación:
PROBA OBXECTIVA (60%) - Cualificarase sobre un máximo de 6 puntos. Se no exame obtense unha cualificación inferior ao 50% da puntuación posible, non se engadirá a avaliación continuada nin a cualificación do traballo tutelado, sendo a CUALIFICACIÓN FINAL, suspenso.
TRABALLO TUTELADO (30%) - Cualificarase sobre un máximo de 3 puntos. Se no traballo tutelado obtense unha cualificación inferior ao 50% da puntuación posible, non se engadirá a avaliación continuada nin a proba obxectiva, sendo a CUALIFICACIÓN FINAL, suspenso.
AVALIACIÓN CONTINUADA (10%) - a cualificación da avaliación continuada conservarase únicamente ata a convocatoria de xullo (2ª oportunidade).
Se a cualificación obtida da ponderación de cada parte resulta igual ou superior a 5/10 puntos, pero una das partes non alcanza o mínimo esixido (5/10 puntos), a cualificación final será de suspenso (cunha puntuación de 4,9/10 puntos).
Se o/a estudante consegue superar unha das partes (proba escrita ou traballo tutelado) na 1ª oportunidade (xaneiro), gardarase a cualificación obtida na mesma así como a avaliación continuada só ata a convocatoria de 2ª oportunidade (xuño/xullo).
Para a proba escrita farase a conexión vía Teams 15 ou 20 minutos antes do comezo do exame. Comprobarase a asistencia do alumnado, a posibilidade de conexión, posibles incidencias e dúbidas. Garantizarase que todos e todas poidan realizar a proba.
Si o/a estudante experimentase algunha dificultade técnica para conectarse ao inicio ou durante a proba, terá que comunicalo de forma inmediata ao profesor a través de chamada telefónica a unha extensión habilitada ao efecto. De non facelo a súa cualificación será de non presentado ou suspenso segundo o caso.
A continuación activarase o exame en Moodle con un tempo programado no que o estudantado subirá as respostas.
As/Os alumnas/os de primeira matrícula que non tivesen asistido ás clases e/ou non realizaran ou completaran as actividades de formación continuada presencial ou non presencial esixidas na planificación, serán avaliados a través dunha única proba oral que inclúe contidos teóricos e prácticos (90% da cualificación).
A proba oral realizarase a través da plataforma Microsoft Teams. O/A estudante que vaia a presentarse a dita proba deberá contactar co profesor a través do correo electrónico cun mínimo de 48 horas antes da data na que se programe, co obxectivo de planificar os horarios e facer as probas técnicas pertinentes de cara ao exame.
A avaliación de segunda oportunidade realizarase seguindo os mesmos criterios.
5. Modificacións da bibliografía ou webgrafía
Non se realizan modificacións.
(*)A Guía docente é o documento onde se visualiza a proposta académica
da UDC. Este documento é público e non se pode modificar, salvo casos excepcionais baixo a revisión do
órgano competente dacordo coa normativa vixente que establece o proceso de elaboración de guías
Asignaturas
