| Descrición xeral |
Como consecuencia do reforzo da autonomía dos centros, faise preciso potenciar a capacidade de xestión da dirección, para permitirlle liderar os cambios propostos. A Ley Orgánica 8/2013, de 9 de decembro, outórgalle aos directores e directoras dos centros docentes públicos, como representantes que son da Administración educativa no centro e como responsables do proxecto educativo, a oportunidade de exercer un maior liderado pedagóxico e de xestión.
Por outro lado, poténciase a función directiva a través dun sistema de certificación previo de competencias para acceder ao posto. O obxectivo da formación previa requirida é dotar ao futuro director ou directora das capacidades necesarias para desempeñar o seu posto con eficiencia e eficacia.
Non obstante, o director ou directora non traballa de forma illada, senón que forma parte dun equipo directivo, que segundo establece o artigo 131 da Lei Orgánica 8/2013, de 9 de decembro, traballará de forma coordinada no desempeño das súas funcións, conforme coas instrucións do director ou directora e as funcións específicas legalmente establecidas.
Para acadar un liderado educativo eficaz é preciso centrar os esforzos en mellorar a calidade do ensino e a aprendizaje, profesionalizar, fortalecer e apoiar o papel dos/das líderes educativos/as, definir claramente os roles, adoptar un enfoque colaborativo, recoñecer as fortalezas e competencias dos equipos, dispoñer de autonomía suficiente para asignar recursos e explorar métodos de ensino innovadores así como asumir as responsabilidades e compromisos que comporta o liderado. |
Asignaturas
