PRIMEIRA OPORTUNIDADE:

OPCIÓN A: alumnado que segue as clases expositivas e
participa nas sesións interactivas

Realizará: un traballo grupal que se sintetizará en
formato artigo, exposición oral e unha proba específica.  Para aprobar a materia todas as partes
deberán estar superadas. A porcentaxe que un estudante queda dispensado de
asistencia será dun quince por cento como máximo.O caso de que as sesións sexan virtuais recosiderarase a asistencia.

OPCIÓN  B: alumnado
con recoñecemento de dedicación a tempo parcial e dispensa académica de
exención de asistencia, que non segue as clases expositivas e tampouco participa
nas sesións interactivas. 

Realizará un traballo individual que se sintetizará en
formato de artigo e resolverá, igualmente, unha proba específica, indicada para
esta situación. Para aprobar a materia ambas as partes deberán estar aprobadas.

O alumnado con recoñecemento de dedicación a tempo
parcial e dispensa académica de exención de asistencia deberá contactar coa
profesora ao longo das tres primeiras semanas do comezo do cuadrimestre, co fin
de poder obter as orientacións pertinentes para poder conseguir unha avaliación
positiva no desenvolvemento da materia.

SEGUNDA OPORTUNIDADE

Todos os estudantes, incluídos aqueles con recoñecemento
de dedicación a tempo parcial e dispensa académica, que non lograsen aprobar na
primeira oportunidade terán que levar a cabo as modificacións oportunas do
traballo e/ou repetir a proba, en función dos resultados logrados na primeira
oportunidade.

OBSERVACIÓNS:

Os traballos realizados subiranse á plataforma Moodle.

Farase un uso sostible dos recursos.

Respectaranse principios éticos tan importantes como a
confidencialidade da información, e o respecto ao anonimato das persoas que
faciliten datos para o seu uso nos traballos.