Dependendo da asistencia continuada ou non as clases, hai dúas
modalidades de seguir a materia de “Psicoloxía da aprendizaxe en contextos
educativos” que determinan dous modos diferentes de avaliación: Modalidade A e Modalidade B

• Modalidade A.ALUMNADO QUE ASISTE E PARTICIPA NA CLASE (>85%):

Nesta modalidade levarase a cabo unha avaliación
de tipo procesual consistente na realización dunha serie de actividades e
prácticas  realizadas en grupo co seguimento periódico das mesmas.
Por tanto será obrigatoria a asistencia ás clases (como mínimo o 85% das horas
presenciais, é dicir, só se poderá faltar un máximo de 4 módulos no cuadrimestre
con ou sen xustificación, en caso contrario deberase optar pola modalidade B),
sendo imprescindíbel ademais a participación activa e continuada por parte do
alumnado no grupo de traballo na aula (no caso de non ser así contabilizarase
como unha ausencia). Esta avaliación levarase a cabo a partir da:

a/ presentación por escrito das
actividades prácticas individuais e grupais  que suporán un máximo dun 60% da cualificación. O alumnado terá que asistir ás clases interactivas para poder facer
estas actividades prácticas, e entregalas dentro dos prazos establecidos.

b/ proba do ensaio individual sobre os contidos
teórico-prácticos da materia (grupo A) e proba de respostas múltiples sobre os coñecementos teóricos (grupo B). Isto representa como máximo un 40% da
cualificación.

Todas as actividades prácticas e o exame serán
puntuados nunha escala de 0 a 10 e logo aplicado a correspondente
porcentaxe para a obtención da nota final. A cualificación final será a suma das puntuacións obtidas en cada
un dos elementos da avaliación segundo o seu peso respectivo;
esta suma só se realizará cando en cada unha das dúas partes (práctica e
teórica) se obteña o 50% do peso da
cualificación.

No caso de non
superar algunha das partes obrigatorias:

No grupo A, a nota final será a nota da parte non
superada. Na 2ª oportunidade (xullo)  terá que repetir a parte obxecto de avaliación na que non se acadou o 50% do seu peso na culificación.
No resto das convocatorias seguirase a modalidade B de avaliación
(proba escrita dos contidos teórico prácticos do curso académico
correspondente)
No grupo B  a cualificación en actas será de 4; a parte superada manterase aprobada noutras convocatorias (máximo 4 cursos académicos,
mentres o responsable da materia sexa Juan Carlos Brenlla Blanco).

A cualificación de No Presentado darase a aquel alumnado que non participa de ningunha das metodoloxías de avaliación descritas.

Só se poderán acoller a esta modalidade o alumnado:

* Que en aplicación da "Norma que regula o réxime de dedicación ao estudo e a permanencia e a progresión dos estudantes de grao e máster universitario na Universidade da Coruña" (aprobada en Consello de Goberno de 28 de xuño de 2016), se lle recoñecera a condición de estudante a tempo parcial e solicitara ao Decano/a a correspondente dispensa académica quedarán eximidos da obrigatoriedade de asistencia as sesións interactivas.

* Así como o alumnado de Continuación de estudos na materia (repetidores).

No grupo A a cualificación virá determinada por unha proba final escrita dos contidos teórico-prácticos da materia do curso académico correspondente.

No grupo B:

• Coñecementos prácticos: Como non pode asistir as clases interactivas terá que realizar as tarefas individualmente dentro dos prazos establecidos. Estas prácticas constitúen o 33,34 % da nota final. Para a 2ª oportunidade (xullo) todos os traballos terán que ser entregados 7 días naturais antes da data oficial de exames.

• Coñecementos teóricos: O alumno terá que facer dúas probas ou exames para avaliar os coñecementos teóricos. Mediante a Proba de resposta múltiple, antes comentada, obterá o 33,33 % da nota final. E mediante unha Proba de resposta breve de 10 preguntas obterá o restante 33,33 %. Terá que superar as dúas partes para ter superada esta parte.

Todas as prácticas e o exame serán puntuados nunha escala de 0 a 10 e logo aplicado a correspondente porcentaxe para a obtención da nota final.

A cualificación final será a suma da cualificación dos coñecementos teóricos e dos prácticos, esta suma só se realizará cando en cada unha das tres partes se obteña o 50% da puntuación posibél

En caso de suspender algunha das dúas partes (teórica ou práctica) a cualificación final da materia nas actas será de 4.
A cualificación de No Presentado darase a aquel alumnado que non participa de ningunha das metodoloxías de avaliación descritas.