Educación de menores en desprotección e conflito social
Código
652G03016
Titulación
Grao en Educación Social
Descriptores
Ciclo
Período
Curso
Tipo
Créditos
Grao
2º cuadrimestre
Segundo
Obrigatoria
6
Idioma
Galego
Modalidade docente
Híbrida
Prerrequisitos
Departamento
Pedagoxía e Didáctica
Coordinación
Iglesias Galdo, Ana Maria
Correo electrónico
ana.iglesias@udc.es
Profesorado
Iglesias Galdo, Ana Maria
Correo electrónico
ana.iglesias@udc.es
Web
Descrición xeral
Menores en risco, en desprotección, en desamparo, en desadaptación, en conflito social; diferentes expresións para visibilizar procesos caracterizados polas dificultades, necesidades ou conflitos que limitan as posibilidades de estas outras infancias para participaren na sociedade da que forman parte, facendo necesaria a intervención da entidade pública. Comparten o feito de ser suxeitos fráxiles (Varela e Álvarez-Uría) ao teren en común certa exclusión, polo menos parcial, da consideración de normalidade; co agravante de que esa situación social non se reparte por igual en función da estratificación social, senón que se agudiza na zona onde se acumulan os hándicaps económicos.
Dado que unha das saídas profesionais "clásicas" da educación social remite a este ámbito, pretendemos asegurar que o alumnado conquira aqueles coñecementos que, pola súa especificidade, non serán traballados noutras asignaturas.
Comezaremos apelando á historia para descubrir as regras de constitución da chamada infancia en desprotección e conflito social, así como as diferentes repostas institucionais que se deseñaron para atendela.
Afondaremos no marco lexislativo actual, cuestionando a aparente neutralidade das categorías xurídicas creadas para designar estes procesos sociais, e facendo especial fincapé na urxencia de visibilizar a súa dimensión social fronte á individual.
Unha vez definido o marco xurídico, e desde a pedagoxía crítica, achegarémonos ós contextos sociais que colocan ós menores de idade en situacións vitais de especial vulnerabilidade, deténdonos en dúas institucións educadoras: as familias e as escolas, pero sempre en conexión coas actuais políticas sociais.
Para finalizar, articularemos o aprendido traballando por proxectos a educación social, contribuiremos a adquisición daquelas destrezas e competencias profesionais que posibilitan un óptimo exercicio profesional, e destacaremos as posibilidades educativas dos centros de menores apostando por unha investigación educativa crítica que garanta un maior benestar para a infancia e, por ende, un maior grao de xustiza social. Este é o noso reto que, esperemos, faga seu o alumnado.
Plan de continxencia
1. Modificacións nos contidos:
- Non se realizarán cambios
2. Metodoloxías docentes que se manteñen:
- Sesión maxistral
- Discusión dirixida
- Traballos tutelados (Portafolio e Estudo de caso)
- Atención personalizada
3. Metodoloxías docentes que se modifican:
- Proba mixta. Non se realizaría, dado que a avaliación deses contidos se incorporarían ós Traballos tutelados: Portafolio e Estudo de caso.
4. Mecanismos de atención personalizada ao alumnado:
- Correo electrónico para facer consultas.
- Moodle: plataforma de intercambio de información para contestar ás dúbidas e manter actualizada a programación e seguimento da materia.
- Teams. Unha sesión semanal de gran grupo para informar sobre do avance dos contidos teóricos e organizar os traballos tutelados na franxa horaria que ten asignada a materia no calendario de Aulas da Facultade.
5. Modificacións na avaliación:
5.1. Modalidade A: Corresponde ao alumnado que forma parte dos grupos interactivos a establecer no inicio do curso 2020-2021, e que irán desenvolvendo un traballo tutelado (portafolio e estudo de caso) con asistencia e seguimento por parte da profesora.
-Descrición :
Portfolio 100%: Dossier ordenado por seccións, debidamente identificadas, paxinadas e cun índice introductorio que contería a información producto das actividades que, propostas pola profesora e recollidos os seus enunciados nun documento dispoñible en Moodle, está a realizar o alumnado referido no apartado anterior. Incluirá o diseño dun proxecto socioeducativo (30%).
5.2. Modalidade B: Corresponde ó Alumnado matriculado que non está integrado nos grupos formados no inicio do curso e non s¡gue a materia segundo o planificado.
- Descripción: Proba de comentario de texto (100%).A partires dun breve texto/situación, elaborar un comentario de texto nun tempo determinado, e coas referencias bibliográficas pertinentes en relación ós documebtos de traballo obxeto de avaliación.
- Criterios de avaliación. TÓDALAS MODALIDADES. Claridade, corrección lingüística, síntese, e orde na estructura. Comprensión das ideas básicas, dominio conceptual, uso de diferentes fontes de información na elaboración das respostas. Rigurosidade, profundidade na argumentación/fundamentación e coherencia. Orixinalidade e pertinencia das relacións entre os contidos. Capacidade crítica.
- O listado de contidos académicos de referencia obligatoria nas probas de avaliación, son os recollidos no “Dossier de Lecturas”, e os PDFS elaborados pola profesora, ambos dispoñibles en Moodle, así como aquela webgrafía que puntualmente se seleccione pertinente para completar o debate nalgunha temática
6. Modificacións da bibliografía ou webgrafía
- Non se realizarán cambios
(*)A Guía docente é o documento onde se visualiza a proposta académica
da UDC. Este documento é público e non se pode modificar, salvo casos excepcionais baixo a revisión do
órgano competente dacordo coa normativa vixente que establece o proceso de elaboración de guías
Asignaturas
